Бо сабаби гузаронидани корҳои таъмирӣ имрӯз дар як қисми кӯчаҳои шаҳри Душанбе интиқоли барқ муваққатан қатъ мегардад

ДУШАНБЕ, 28.08.2018. /АМИТ «Ховар»/. Бо сабаби  гузаронидани корҳои таъмирӣ имрӯз, 28 август аз соати 09:00 то 16:00 дар як қисми  кӯчаҳои шаҳри Душанбе интиқоли барқ  қатъ карда мешавад.

Дар ин бора ба мухбири АМИТ «Ховар» аз ҶСК «Шабакаҳои барқии шаҳри Душанбе» хабар доданд.

Ба иттилои манбаъ, маҳдудияти барқ дар кӯчаи Лермонтов, Ҳувайдулло Назаров, Карамов, Куприна, Охунбобоев, Лунагорский, Варзоби поён (ноҳияи Исмоили Сомонӣ), қисме аз кӯчаи Айнӣ (н.Шоҳмансур), қисме аз кӯчаи Южная — Обходная (н. Фирдавсӣ), қисман маҳаллаи Испечак — 1, маҳаллаи Ҳамадонӣ (н.Сино) қувваи барқ хомӯш карда мешавад.

«Вобаста ба ҳаҷми корҳои таъмирию профилактикӣ дар баъзе мавридҳо қувваи барқ пеш аз муҳлати нишондодашуда пайваст  карда мешавад», -зикр кард манбаъ.