Бозиҳои Осиё-2018: бори аввал дастаи мунтахаби бонувони Тоҷикистон оид ба футбол сафарбар мегардад
ДУШАНБЕ, 09.08.2018. /АМИТ «Ховар»/. Тавре қаблан иттилоъ дода будем, субҳи имрӯз дар Кумитаи миллии олимпии Ҷумҳурии Тоҷикистон маросими гусели варзишгарони тоҷик ба 18-умин Бозиҳои тобистонаи Осиё доир гардид, ки дар он муовинони президенти Кумитаи миллии олимпӣ Шамсулло Соҳибов, Аҳтам Абдуллозода, чемпиони Бозиҳои олимпии Рио-2016 Дилшод Назаров, ҷоизадори Бозиҳои олимпии Лондон-2012 Мавзуна Чориева ва варзишгарону мураббиёне, ки ба Бозиҳои Осиё-2018 сафарбар шудаанд, иштирок намуданд. Дар маросими гусели варзишгарони тоҷик хабарнигори АМИТ «Ховар» Холисаи АСОМИДДИН ширкат варзид.
Ба иттилои номбурда, тавре сардори раёсати тарбияи ҷисмонӣ ва инкишофи варзиши Кумитаи кор бо ҷавонон ва варзиши назди Ҳукумати Ҷумҳурии Тоҷикистон Носир Бозоров зикр кардааст, шурӯъ аз 10 август тибқи тақсимоти ҷавали баргузории чорабиниҳо дастаи мунтахаби Тоҷикистон ба Бозиҳои Осиё-2018 сафарбар мешаванд.
«Бо супориши Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон беш аз 110 нафар, аз ҷумла, 80 варзишгар ба Бозиҳои Осиё сафарбар шудаанд. Ба барномаи Бозиҳои Осиё 40 намуди варзиш ворид шуда, варзишгарони мо дар 15 намуди он иштирок мекунанд»,-илова намуд Носир Бозоров.
Таъкид шуд, ки дар таърихи футболи кишвар бори аввал дастаи мунтахаби бонувони Тоҷикистон оид ба футбол ба бозиҳои мазкур сафарбар мегарданд.
Ба иттилои Кумитаи кор бо ҷавонон ва варзиш, барои сафарбар кардани варзишгарон бори аввал федератсияҳои варзишӣ иқдом карданд. Бонки миллӣ ва Мақомоти иҷроияи ҳокимияти давлатии вилояти Суғд низ варзишгаронро ҷиҳати иштирок дар бозиҳо дастгирии молиявӣ намуданд. Ҳамчунин дастаи мунтахаб аз ҳисоби Кумитаи миллии олимпӣ пурра бо либоси варзишӣ таъмин гардидааст. Дар маҷмӯъ аз ҳисоби Кумитаи миллии олимпии кишвар як миллиону яксаду ёздаҳ ҳазору панҷсаду шаст сомонӣ ҷудо карда шудааст.
Мавриди зикр аст, ки варзишгарони Тоҷикистон аз соли 1994 дар Бозиҳои Осиё иштирок намуда, сазовори 21 медал, аз ҷумла 4 медали тилло гардидаанд.
Ёдрас менамоем, ки Бозиҳои тобистонаи Осиё-2018 аз 18 август то 2 сентябр дар шаҳрҳои Ҷакарта ва Палембанги Ҷумҳурии Индонезия баргузор мегардад.
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
Имрӯз дар қисми зиёди ноҳияҳои Тоҷикистон омадани сел дар назар аст
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
