БОЗИҲОИ ОСИЁ-2018: дастаи мунтахаби Тоҷикистон оид ба дзюдо дар онҳо ширкат меварзад
ДУШАНБЕ, 06.08.2018. /АМИТ «Ховар»/. Дастаи мунтахаби Тоҷикистон оид ба дзюдо дар ҳайати 8 нафар (7 мард, 1 зан) дар Бозиҳои Осиё — 2018, ки аз 18 август то 2 сентябри соли равон дар шаҳрҳои Ҷакарта ва Палембанги Индонезия баргузор мегардад, ширкат менамояд.
Тавре ба хабарнигори АМИТ «Ховар» аз Кумитаи миллии олимпии Тоҷикистон иттилоъ доданд, мусобиқа оид ба дзюдо 29-31 август дар шаҳри Ҷакарта аз рӯи 7 категорияи вазнӣ миёни мардон ва 7 категорияи вазнӣ миёни занон баргузор мешавад. Варзишгарони мо дар 7 вазн миёни мардон ва 1 вазн миёни бонувон ширкат меварзанд.
Дар ин мусобиқа варзишгарон Суҳроб Боқиев дар вазни 60 кг, Ёқубҷон Боқиев дар вазни 66 кг, Беҳрӯз Хоҷазода дар вазни 73кг, Акмал Муродов дар вазни 81 кг, Комроншоҳ Устопириён дар вазни 90 кг, Саидҷалол Саидов дар вазни 100 кг, Шакармамад Мирмамадов дар вазни +100 кг ва Шоҳида Қаландарова дар вазни 57 кг қувваозмоӣ менамоянд.
Варзишгарони тоҷикро дар мусобиқаи мазкур мураббӣ Муҳаммадмурод Абдураҳмонов ҳамроҳӣ мекунад.
Ёдовар мешавем, ки Ҷумҳурии Тоҷикистон дар Бозиҳои Осиё дар намуди дзюдо 3 медали биринҷӣ дорад. 2 медалро паҳлавони шинохта Расул Боқиев (вазни 73 кг, Доҳа-2006, Гуанжоу-2010) ва як медали дигарро Хайрулло Назриев (вазни 86 кг, Ҳирошима-1994) ба даст овардаанд.
Пагоҳ дар якчанд вазорату идора нишасти матбуотӣ баргузор мегардад
Дар «Офтобак»-и шаҳри Норак 100 кӯдак ба истироҳат фаро гирифта шуданд
Имрӯз дар водиҳои Тоҷикистон ҳаво то 41 дараҷа гарм мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
