Дар тамоми истироҳатгоҳҳо озмуни «Дониш ва ҳунар» доир карда мешавад
ДУШАНБЕ, 11.08.2018. /АМИТ «Ховар»/. Имрӯзҳо баҳри бедор кардани шавқу рағбати кӯдакон ба китобу ҳунар, фарҳангу таърихи ниёгон ва ҳисси миллӣ дар истироҳатгоҳҳои беруназшаҳрӣ озмуни «Дониш ва ҳунар» доир гардида истодааст.
Тавре аз Вазорати маориф ва илми Ҷумҳурии Тоҷикистон ба АМИТ «Ховар» хабар доданд, тибқи нақшаи Маркази ҷумҳуриявии муассисаҳои таҳсилоти иловагии Вазорати маориф ва илм, дар таътили тобистонаи кӯдакон ва наврасон дар истироҳатгоҳҳои шаҳру ноҳияҳои ҷумҳурӣ озмунҳои гуногун баргузор шуда истодааст.
Чанде пеш дар истироҳатгоҳи «Гулхан» озмунҳои «Дониш ва ҳунар» ва «Пасандоз» гузаронида шуд.
Ба иттилои манбаъ, дар рафти озмун иштирокдорон маҳорати ҳунарпешагӣ, суханварӣ ва ҳозирҷавобии худро ба тамошобинон нишон медиҳанд. Озмун аз чор шарт-саҳнача аз рӯи китобҳои хондашуда, байтбарак, саҳначаи ҳаҷвӣ ва викторина аз фанҳои забон ва адабиёти тоҷик иборат мебошад.
Дастаҳои ғолиб аз тарафи Маркази ҷумҳуриявии муассисаҳои таҳсилоти иловагии Вазорати маориф ва илми Ҷумҳурии Тоҷикистон бо ифтихорнома ва туҳфаҳои хотиравӣ қадрдонӣ карда мешаванд.
Муассиса нақша дорад, ки то охири таътили тобистонаи кӯдакон озмуни «Дониш ва ҳунар»-ро дар тамоми истироҳатгоҳҳои амалкунандаи шаҳру ноҳияҳои ҷумҳурӣ гузаронад.
Пагоҳ дар якчанд вазорату идора нишасти матбуотӣ баргузор мегардад
Дар «Офтобак»-и шаҳри Норак 100 кӯдак ба истироҳат фаро гирифта шуданд
Имрӯз дар водиҳои Тоҷикистон ҳаво то 41 дараҷа гарм мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
