Куруш Пуркиён, консули фахрии Тоҷикистон дар Германия: «Ифтихормандам, ки дар муаррифии таъриху фарҳанг ва имкониятҳои сайёҳии Тоҷикистон саҳм мегузорам…»
ДУШАНБЕ, 08.08.2018 /АМИТ «Ховар»/. Консули фахрии Тоҷикистон дар заминҳои Гамбург ва Шлезвиг-Голштейни Ҷумҳурии Федеративии Германия (ҶФГ) Куруш Пуркиён баъди натиҷагирӣ аз фаъолияташ дар соли 2017 «Консули сол»-и Германия эълон гардид. Ба ин муносибат ӯро дар Сафорати Ҷумҳурии Тоҷикистон дар ҶФГ гарму самимона қабул ва муборакбод намуданд.
Сафири Фавқулода ва Мухтори Ҷумҳурии Тоҷикистон дар ҶФГ Маликшо Неъматов ба Куруш Пуркиён барои хизматҳои неку наҷибаш ҷиҳати муаррифии дастоварҳои Тоҷикистон ба доираҳои гуногуни Германия ва сойири кишварҳои Аврупо миннатдорӣ баён намуд.
«Тоҷикон аз қадимулайём мардуми меҳмоннавозанд ва ифтихормандам, ки дар муаррифии таъриху фарҳанг ва имкониятҳои сайёҳии Тоҷикистон ба доираҳои гуногуни кишвари Германия саҳм мегузорам», — иброз намуд Куруш Пуркиён зимни изҳори сипос аз қадрдонии Сафорати Тоҷикистон.
Куруш Пуркиён аз ҷониби Шӯрои машваратии маҷаллаи Германия «Diplomatisches Magazin», ки ҳамасола фаъолияти дипломатҳои хориҷиро дар ин кишвар арзёбӣ мекунад, баъди натиҷагирӣ аз кори яксолаи 300 нафар намояндагони фаъоли дораҳои сиёсӣ, иқтисодӣ, фарҳангӣ ва сафоратхонаҳои хориҷӣ Куруш Пуркиёно «Консули сол» эълом дошт. Ӯ барои хидматҳои густурдааш дар роҳи муаррифии Тоҷикистони соҳибистиқлол ва роҳандозии тадбирҳои фарҳангӣ ҷиҳати таҷлили идҳои давлатӣ ва санаҳои муҳими Тоҷикистон ба чунин унвон шарафёб гардид. Сармуҳаррири маҷаллаи «Diplomatisches Magazin» Ирене Эрнст дар вазъияти ботантана ба Куруш Пуркиён дипломи «Консули сол»-ро эҳдо намуд.
Хотиррасон менамоем, ки Куруш Пуркиён эронитабор ва шаҳрвандии Ҷумҳурии Федеративии Германия мебошад ва соли 2013 Консули ифтихории Ҷумҳурии Тоҷикистон дар заминҳои Гамбург ва Шлезвиг-Голштейни ин кишвар таъйин шудааст.
Дар Донишгоҳи давлатии ҳуқуқ, бизнес ва сиёсати Тоҷикистон доир ба ҳифзи арзишҳои миллӣ ҳамоиш доир шуд
Дар Вашингтон дар назди мактаб тирпаронӣ ба амал омад
Гурӯҳи кории Кумитаи меъморӣ ва сохтмони Тоҷикистон дар шаҳрҳои Дубай ва Давҳа табодули таҷриба намуд
Ҳамкории байналмилалии Донишгоҳи технологии Тоҷикистон бо шарикон тақвият меёбад
Дар Кения шумораи бар асари бориши зиёд ҳалокшудагон аз 200 нафар гузашт
Маркази тадқиқоти стратегии Тоҷикистон ҳамкориро бо Пажуҳишгоҳи нидерландии «Клингендаел» тавсеа мебахшад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Намояндагони Кумитаи рушди сайёҳии Тоҷикистон дар Боку дар форуми танзимгарони сайёҳии Созмони ҳамкории иқтисодӣ иштирок доранд
«ДӮСТ ОЯД, ГАРМ ДАР ОҒӮШ ГИР». Ҷавонони фаъоли Тоҷикистон бо корхонаҳои саноатӣ ва мавзеъҳои фарҳангии ноҳияи Рӯдакӣ шинос гардиданд
«ТОҶИКИСТОН-2024». Дар Намоишгоҳи байналмилалии универсалӣ 65 ширкату корхонаи ватанию хориҷӣ маҳсулоташонро муаррифӣ менамоянд
Дар Душанбе баргузории намоишгоҳҳои рассомон дар Тоҷикистон ва Олмон баррасӣ шуд
Раёсати ҳифзи муҳити зист дар минтақаи Кӯлоб соҳиби бинои замонавӣ мегардад
