Мулоқоти Рустам Назарзода бо президенти Маркази омӯзиши глобалӣ ва стратегии Ҷумҳурии Исломии Покистон
ДУШАНБЕ, 29.08.2018. /АМИТ «Ховар»/. 28 августи соли равон Раиси Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон, генерал-лейтенанти милитсия Рустам Назарзода бо президенти Маркази омӯзиши глобалӣ ва стратегии Ҷумҳурии Исломии Покистон Саид Холид Амир Ҷаъфарӣ мулоқот доир намуд.
Тавре аз Кумитаи ҳолатҳои фавқулодда ва мудофиаи гражданӣ ба АМИТ «Ховар» иттилоъ доданд, дар рафти вохӯрӣ Рустам Назарзода ба Саид Холид Амир Ҷаъфарӣ маълумоти муфассал оид ба фаъолияти Кумита, сохторҳои он ва ҳамкории байналмилалӣ бо кишварҳои хориҷӣ дар самти пешгирӣ ва бартарафсозии оқибатҳои офатҳои табиӣ пешниҳод намуд.
Зикр гардид, ки рушди робитаҳои ду давлат дар самти пешгирӣ ва бартарафсозии ҳолатҳои фавқулодда, ҳифзи аҳолӣ ва ҳудуд аз офатҳои табиӣ хеле муҳим буда, Кумита ба ин масъала диққати махсус медиҳад.
Саид Холид Амир Ҷаъфарӣ изҳор намуд, ки минбаъд низ талоши муштаракро барои таҳкими ҳамкории байни сохторҳои дахлдори ду кишвар идома хоҳад дод.
Дар рафти вохӯрӣ мубодилаи васеъ оид ба масъалаҳои манфиатҳои тарафайн сурат гирифт.
Ёдовар мешавем, ки намояндагони Маркази омӯзиши глобалӣ ва стратегии Ҷумҳурии Исломии Покистон дар доираи сафари кории худ аз Китобхонаи миллӣ ва Осорхонаи миллии Тоҷикистон, мавзеъҳои зебоманзари ноҳияи Варзоб дидан намуда, бо роҳбарияти Маркази тадқиқоти стратегии назди Президенти Ҷумҳурии Тоҷикистон, намояндагони Вазорати корҳои хориҷии Ҷумҳурии Тоҷикистон, Вазири рушди иқтисод ва савдои Ҷумҳурии Тоҷикистон, Вазири маориф ва илми Ҷумҳурии Тоҷикистон, президенти Академияи илмҳои Ҷумҳурии Тоҷикистон ва директори АМИТ «Ховар» мулоқот доир намуданд.
Дар Қазоқистон беш аз 6,5 ҳазор нафар бинобар обхезиҳо дар нуқтаҳои бехавф боқӣ мемонанд
Бар асари гармои шадид дар Бангладеш 10 нафар ҳалок шуд
Дар Кения бар асари пайомадҳои обхезӣ дар як моҳ беш аз 160 нафар ба ҳалокат расид
МегаФон Тоҷикистон мусобиқаҳои байналмилалии парапланеристонро дар Данғара дастгирӣ намуд
Дар ноҳияи Ховалинг дар 8 гектар боғи хуч бунёд карда шуд
Тоҷикистон ва Индонезия чорабиниҳои дарпешистода дар соҳаи дипломатияи обиро баррасӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар Донишгоҳи давлатии Бохтар бо вакилон вохӯрӣ баргузор гардид
Бо фаъолону сокинони Ҷамоати деҳоти Даҳанаи ноҳияи Ёвон вохӯрии судманд доир гардид
Доир ба истифодаи самараноки замин ва нақши он дар таъмини амнияти озуқаворӣ машғулияти такмили ихтисос оғоз ёфт
«ИЛМ-ФУРӮҒИ МАЪРИФАТ». Дар Донишгоҳи техникии Тоҷикистон ғолибони даври аввали озмун қадрдонӣ шуданд
«КОРВОНИ КИТОБ». Он имрӯз ба шаҳри Бохтар расид
