Мушовири Сарвазири Покистон дар бораи Тоҷикистон китоб менависад
ДУШАНБЕ, 29.08.2018. /АМИТ «Ховар»/. Сардабири рӯзномаи «Daily Herald Tribune»-Покистон Ғулом Акбар, ки ҳамзамон мушовири Сарвазири Ҷумҳурии Исломии Покистон Имрон Хон таъйин шудааст, дар бораи Тоҷикистон китоб навишта, кишвари моро ба ҷомеаи 220- миллионнафараи Покистон муаррифӣ менамояд.
Ғулом Акбар, ки ҳамчунин узви аршади Раёсати мушовараи Маркази омӯзиши глобалӣ ва стратегии Ҷумҳурии Исломии Покистон мебошад, дар ҳайати кормандони Маркази мазкур ба Тоҷикистон ташриф овардааст.
Вай дар мулоқоти ҳайати покистонӣ бо директори Агентии миллии иттилоотии Тоҷикистон «Ховар» Саидалӣ Сиддиқ 27 август дар шаҳри Душанбе иброз дошт, ки аз моҳи апрели соли равон ба навиштани китоб, ки фарогири дастовардҳои Ҷумҳурии соҳибистиқоли Тоҷикистон, робитаҳои дӯстӣ ва ҳамкории самарабахши Ҷумҳурии Тоҷикистон ва Ҷумҳурии Исломии Покистон аст, оғоз намудааст.
Китоби Ғулом Акбар бо забонҳои тоҷикӣ, урду, русӣ ва англисӣ нашр гардида, интизор меравад, ки дар шаҳрҳои Душанбе ва Исломобод муаррифӣ гардад.
Бояд зикр кард, ҳайати покистонӣ таҳти роҳбарии президенти Маркази омӯзиши глобалӣ ва стратегии Ҷумҳурии Исломии Покистон, генерал –майори мустаъфӣ Сайид Холид Амир Ҷаъфарӣ ба Тоҷикистон омада, бо роҳбарони бархе аз идораҳои давлатии Ҷумҳурии Тоҷикистон, назири вазоратҳои корҳои хоричӣ, рушди иқтисод ва савдо, маориф ва илми Ҷумҳурии Тоҷикистон, Маркази тадқиқоти стратегии назди Президенти Ҷумҳурии Тоҷикистон ва Агентии миллии иттилооти Тоҷикистон «Ховар» мулоқот намуда, масъалаҳои муҳими тавсеаи ҳамкориро миёни ду кишвари дӯст матраҳ намуданд.
РАВАНДИ ОБИ ДУШАНБЕ. Моҳи май дар пойтахти Тоҷикистон Фестивали об баргузор мешавад
Оид ба масъалаҳои мубрами филологияи Шарқ ва робитаҳои адабӣ конференсияи байналмилалӣ доир шуд
Каналҳои магистралии Вахш ва Шуробод ба таҷдиди куллӣ фаро гирифта шудаанд
Дар заминҳои назди Муассисаи таҳсилоти миёнаи умумии №5-и ноҳияи Кӯшониён картошка кишт карда шудааст
Сулҳофар, тоҷикпарвар, ваҳдатгаро, ташаббускор, роҳкушо, нурофар, сипаҳсолор — ҳафт сифати барҷастаи роҳбарии Пешвои миллат
Имрӯз дар Тоҷикистон ҳавои тағйирёбанда пешгӯӣ шуда, борони кӯтоҳмуддат меборад
Дар Маркази назорати давлатии санитарию эпидемиологии вилояти Суғд вохӯрӣ баргузор шуд
Имрӯз дар Тоҷикистон ҳавои тағйирёбанда шуда, борони кӯтоҳмуддат меборад
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
