23 сентябр Рӯзи шаҳри Хуҷанд таҷлил мегардад
ХУҶАНД, 18.09.2018. /АМИТ «Ховар»/. 23 сентябри соли равон дар назди Театри мусиқӣ-мазҳакавии ба номи Камоли Хуҷандии маркази вилояти Суғд Рӯзи шаҳри Хуҷанд таҷлил мегардад. Дар назар аст, ки зимни баргузории барнома ба 40 нафар занҳои ҳунарманди шаҳри Хуҷанд грантҳои раиси шаҳр тақдим карда шаванд.
Ба иттилои хабарнигори АМИТ «Ховар» бо такя ба маълумоти масъулин аз Мақомоти иҷроияи ҳокимияти давлатии шаҳри Хуҷанд, дар рӯзи таҷлили шаҳри Хуҷанд дар макони баргузории барномаҳои асосӣ хаймаи дастовардҳои соҳаҳои гуногуни шаҳр бо маҳсули ҳунарҳои миллӣ, истеҳсолоти корхонаҳои саноатӣ, бофандагӣ, қаннодӣ ва ғайра ба маърази иштирокдорону сокинони шаҳр пешкаш мегардад.
Дар ин рӯз ҳамзамон ба чанд нафар пешқадамону фаъолони соҳаҳои мухталиф унвони «Шаҳрванди фахрии шаҳри Хуҷанд» супорида мешавад.
Барномаи калони рангини консертӣ бо иштироки санъаткорони маркази вилоят ва пойтахти кишвар низ дар назар дошта шудааст.
Бояд гуфт, ки имсол дар вилояти Суғд бори чорум Рӯзи шаҳри Хуҷанд таҷлил мегардад.
Имрӯз дар шаҳри Душанбе ҳавои тағйирёбанда пешгӯӣ мешавад
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
