Ҳайати Тоҷикистон дар ҷаласаи Шӯрои иқтисодии ИДМ иштирок намуд
ДУШАНБЕ, 20.09.2018/АМИТ «Ховар»/. Дар шаҳри Москва ҷаласаи 79-уми Шӯрои иқтисодии Иттиҳоди Давлатҳои Мустақил /ИДМ/ таҳти роҳбарии муовини якуми Сарвазири Ҷумҳурии Тоҷикистон Давлаталӣ Саид доир гардид. Дар ин бора ба АМИТ «Ховар» аз Вазорати корҳои хориҷии Ҷумҳурии Тоҷикистон иттилоъ доданд.
Дар ҷаласа масъалаҳои татбиқи Созишнома дар бораи савдои озод, омодагӣ ҷиҳати гузаронидани барӯйхатгирии аҳолӣ дар давлатҳои аъзои ИДМ, лоиҳаи Созишнома дар бораи фаъолияти муштарак дар соҳаи омӯзиш ва истифодаи сулҳомези фазои кайҳон, протоколҳо дар бораи ворид намудани тағйирот ба Созишномаи ҳамкорӣ дар рушд ва истифодаи низомҳои алоқаи сайёр ва дар бораи табодули маълумот дар шакли электронӣ байни давлатҳои аъзои ИДМ барои маъмурикунонии андоз ва ғайра баррасӣ гардиданд.
Ҷонибҳо роҷеъ ба таъсис ва фаъолияти марказҳои миллии намоишию савдо дар ҳудуди Намоишгоҳи комёбиҳои хоҷагии халқ (ВДНХ) дар шаҳри Москва табодули афкор намуда, як зумра масъалаҳои молиявию ташкилиро баррасӣ карданд.
Ҳамзамон дар ҷаласа Вазири рушди иқтисод ва савдои Ҷумҳурии Тоҷикистон Неъматулло Ҳикматуллозода ва Сафири Фавқулода ва Мухтори Ҷумҳурии Тоҷикистон дар Федератсияи Россия, Намояндаи доимии Ҷумҳурии Тоҷикистон дар Комиссия оид ба масъалаҳои иқтисодии назди Шӯрои иқтисодии ИДМ Имомуддин Сатторов ширкат варзиданд.
Дар анҷоми ҷаласа қарор қабул гардид, ки тибқи он ҷаласаи навбатии Шӯрои иқтисодии ИДМ 7 декабри соли 2018 дар Москва баргузор мегардад.
Пахтакорони пешсафи ноҳияи Дӯстӣ қадрдонӣ карда шуданд
Дар ноҳияи Спитамен ба зимистонгузаронӣ ва таъмини фаъолияти устувори шабакаҳои барқӣ омодагӣ мебинанд
Ҳамкории саноатӣ ва сармоягузории Тоҷикистону Қазоқистон густариш меёбад
Оид ба тақвияти ҳамкории Тоҷикистон ва Қазоқистон дар соҳаи геология Ёддошти тафоҳум оид ба ҳамкорӣ ба имзо расид
Густариши ҳамкории Тоҷикистон ва Чин дар соҳаи меъморию сохтмон баррасӣ гардид
Байни Тоҷикистон ва Қазоқистон Харитаи роҳ оид ба тақвияти минбаъдаи ҳамкорӣ дар соҳаи кишоварзӣ ба имзо расид
Дар Мамнуъгоҳи давлатии «Зоркӯл» камераҳои аксбардории худкор насб карда шуданд
Дар ноҳияи Данғара татбиқи технологияҳои инноватсионии парвариши зироат дар заминҳои лалмӣ баррасӣ гардид
Дар Душанбе картошкаи калонтарин ба намоиш-фурӯш гузошта шуд
Байни Тоҷикистон ва Қазоқистон Созишномаи қолабӣ оид ба ҳамкорӣ дар самти таҳвили маҳсулоти нафтӣ ба имзо расид
Ҳайати Тоҷикистон дар Конфронси ваколатдори Иттиҳоди байналмилалии телекоммуникатсия иштирок дорад
Дар Душанбе форум ва конфронси байналмилалии зиддикоррупсионӣ доир мегарданд
