АМАЛИЁТИ «БАЧАҲО»: дар таъмини бехатарӣ ҳангоми ҳаракат дар роҳҳо ба кӯдакон кумак намоед!
ДУШАНБЕ, 05.09.2018. /АМИТ «Ховар»/. Зимни баргузории амалиёти «Бачаҳо» дар қаламрави мамлакат аз ҷониби Раёсати Бозрасии давлатии автомобилии Вазорати корҳои дохилии Ҷумҳурии Тоҷикистон, ки аз 31 августи соли равон оғоз гардид, дар ҷумҳурӣ 5 садамаи нақлиётӣ бо иштироки кӯдакону наврасон ба қайд гирифта шуд.
Аз Раёсати мазкур ба мухбири АМИТ «Ховар» хабар доданд, ки бар асари садамаи нақлиётӣ бо иштироки кӯдакону наврасон 5 нафар ҷароҳати гуногуни ҷисмонӣ бардоштаанд.
Ба иттилои манбаъ, соли сипаригардида дар ҳамин давра бо иштироки кӯдакону наврасон 11 садамаи нақлиётӣ ба қайд гирифта шуд, ки бар асари онҳо 2 нафар ба ҳалокат расида, 11 нафари дигар ҷароҳати гуногуни ҷисмонӣ бардоштанд.
Гуфта шуд, ки аз 31 август то 4 сентябри соли равон дар роҳҳои ҷумҳурӣ 15 садамаи нақлиётӣ ба амал омада, дар натиҷа 7 нафар ҳалок ва 30 нафари дигар ҷароҳат бардоштанд.
Амалиёти мазкур то 10 сентябр идома ёфта, дар ҳамин ҳол Раёсат аз муассисаҳои томактабӣ ва таълимӣ, дигар ташкилоту идораҳои дахлдор, падару модарон ва шаҳрвандони ҷумҳурӣ даъват кардааст, ки дар ташкил ва гузаронидани чорабинии мазкур фаъолият нишон дода, дар таъмини бехатарӣ ҳангоми ҳаракат дар роҳҳо ва ба бачаҳо омӯзонидани қоидаҳои ҳаракат дар роҳ кумак намоянд.
30 июл дар Мақомоти иҷроияи ҳокимияти давлатии ноҳияи Файзобод нишасти матбуотӣ доир мешавад
НИШАСТИ МАТБУОТӢ. Дар шаҳру ноҳияҳои минтақаи Кӯлоб нақшаи қисми даромади буҷети маҳаллӣ 109 фоиз таъмин гардид
ОГОҲӢ! Дар Тоҷикистон баландшавии ҳарорати ҳаво пешгӯӣ мешавад
НИШАСТИ МАТБУОТӢ. Барои вайрон намудани муҳити зист нисбат ба 1972 нафар санади маъмурӣ тартиб дода шуд
Тарзи амали маҷмуӣ: чӣ тавр МегаФон Тоҷикистон шабакаро инкишоф медиҳад
Дар Тоҷикистон шумораи занони соҳибкор афзудааст
Дар нимсолаи якуми соли 2026 маҷмуи маҳсулоти дохилӣ ба 81,7 миллиард сомонӣ баробар гардид
Имрӯз дар Душанбе ҳаво то 41 дараҷа гарм мешавад
Имрӯз дар водиҳои Тоҷикистон ҳаво то 38 дараҷа гарм мешавад
