Дар Ню-Йорк ҳамкории Тоҷикистон бо ИМА, Чин ва Иттиҳоди Аврупо баррасӣ шуд
ДУШАНБЕ, 25.09.2018. /АМИТ «Ховар»/. Тавре қаблан иттилоъ дода будем, Вазири корҳои хориҷии Ҷумҳурии Тоҷикистон Сироҷиддин Муҳриддин ҷиҳати иштирок дар Иҷлосияи 73-юми Маҷмаи Умумии СММ дар шаҳри Ню-Йорки ИМА қарор дорад.
Тавре ба АМИТ «Ховар» аз ВКХ ҶТ иттилоъ доданд, дар ҳошияи иҷлосияи мазкур С. Муҳриддин бо як зумра намояндагони ниҳодҳои гуногуни СММ ва дигар давлатҳо мулоқот намуда, масоили ҳамкории дуҷониба ва бисёрҷонибаро баррасӣ кард. Аз ҷумла, 24 сентябри соли равон дар шаҳри Ню-Йорк дар ҳошияи иҷлосияи Маҷмаи Умумии СММ Вазири корҳои хориҷии Тоҷикистон Сироҷиддин Муҳриддин бо Ёвари Котиби давлатии ИМА оид ба умури Осиёи Марказӣ ва Ҷанубӣ Эллис Уэллс мулоқот намуда, масоили дуҷониба ва таҳкими ҳамкорӣ дар доираи сиғаи С5+1-ро мавриди муҳокима қарор додааст.
«Ҳамзамон ҷонибҳо оид ба вазъи амнияти минтақавӣ ва рушди тамосҳои иқтисодӣ-тиҷоратӣ табодули афкор намуданд», — омадааст дар хабари вазорат.
Ҳамучунин дар ин рӯз Сироҷиддин Муҳриддин бо Вазири корҳои хориҷии Ҷумҳурии Мардумии Чин Ванг Йи мулоқот карда, масъалаҳои мубрами рушди муносибатҳои дуҷониба ва бисёрҷонибаи Ҷумҳурии Тоҷикистон ва Ҷумҳурии Мардумии Чинро баррасӣ намудааст.
Ба иттилои манбаъ, 24 сентябр инчунин мулоқоти Вазири корҳои хориҷии Тоҷикистон бо Дабири кулли Хадамоти аврупоии амалиёти хориҷии Иттиҳоди Аврупо хонум Ҳелга Шмид баргузор гардидааст.
«Зимни мулоқот ҷонибҳо густариши ҳамкории дуҷонибаи сиёсӣ, иқтисодӣ, тиҷоратӣ ва амниятӣ, инчунин ҷараёни татбиқи лоиҳаҳоро дар доираи барномаҳои бисёрсолаи индикативӣ баррасӣ намуданд», — гуфта мешавад дар хабар.
Тарафҳо инчунин роҷеъ ба хатару чолишҳои амниятӣ, вазъи кунунии Афғонистон, таҳкими ҳамкории минтақавӣ ва дигар масъалаҳои қобили таваҷҷуҳ мубодилаи афкор намуданд.
Дар шаҳри Абузабӣ дурнамои рушди ҳамкорӣ байни Тоҷикистон ва Амороти Муттаҳидаи Араб баррасӣ гардид
Вазоратҳои корҳои хориҷии Тоҷикистон ва Русия оид ба таъмини иттилоотии фаъолияти сиёсати хориҷӣ машварат доир намуданд
Дар шаҳри Ашқобод ҷаласаи 25-уми Шурои байниҳукуматии ҳамоҳангсози Иттиҳоди Давлатҳои Мустақил доир шуд
Дар шаҳри Давҳа 33-солагии Истиқлолияти давлатии Ҷумҳурии Тоҷикистон таҷлил гардид
Тоҷикистон ва Эрон аз ҳамкории байниминтақавӣ изҳори қаноатмандӣ намуданд
Бахшида ба Истиқлоли давлатии Ҷумҳурии Тоҷикистон дар шаҳри Машҳади Эрон нишасти илмиву адабӣ баргузор гардид
Дар Душанбе марҳилаи интихобии Ҷоми Осиё-2025 оид ба футбол байни ҷавонони то 20-сола доир мегардад
Дар Прага оид ба роҳбарии Тоҷикистон дар пешбурди ташаббусҳои байналмилалии марбут ба мудирияти об чорабинӣ доир шуд
Тавсеаи ҳамкории Тоҷикистон ва Қатар дар самти баргузории конфронсҳо баррасӣ гардид
Намояндаи Тоҷикистон ҷаласаи дуюми навбатии Шурои иҷроияи Созмони Милали Муттаҳид – Занонро раисӣ намуд
Ҳайати Тоҷикистон дар Анҷумани 31-уми иқтисодӣ-муҳитизистии Созмони амният ва ҳамкорӣ дар Аврупо иштирок намуд
Шараф Шерализода бо Дабири кулли Созмони умумиҷаҳонии метереологӣ мулоқот намуд
