Дар Ню-Йорк таҳти раёсати ҳайати Тоҷикистон ҷаласаи ғайрирасмии вазирони корҳои хориҷии кишварҳои аъзои СҲИ баргузор шуд
ДУШАНБЕ, 25.09.2018. /АМИТ «Ховар»/. 24 сентябр дар шаҳри Ню-Йорки ИМА таҳти раёсати Вазири корҳои хориҷии Ҷумҳурии Тоҷикистон Сироҷиддин Муҳриддин ҷаласаи ғайрирасмии вазирони корҳои хориҷии кишварҳои аъзои Созмони ҳамкории иқтисодӣ (СҲИ) бо иштироки вазирони корҳои хориҷии Ҷумҳурии Исломии Афғонистон, Ҷумҳурии Озарбойҷон, Ҷумҳурии Қазоқистон, Ҷумҳурии Исломии Покистон, муовинони вазири корҳои хориҷии Ҷумҳурии Туркия, Ҷумҳурии Исломии Эрон, инчунин намояндагони аршади вазоратҳои корҳои хориҷии Қирғизистон ва намояндагиҳои доимии Туркманистон ва Ӯзбекистон дар СММ баргузор гардид. Дар ин бора ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд.
С. Муҳриддин зимни суханронӣ ба зарурати тавсеаи ҳамгироии иқтисодӣ дар минтақаи СҲИ, аз ҷумла дар соҳаҳои рушди соҳаи нақлиёт ва алоқа, татбиқи лоиҳаҳои инфрасохторӣ, содагардонии раванди савдо, истифодаи самараноки захираҳои обӣ ва энергетикӣ, таъсиси низоми ягонаи энергетикӣ, гардиши озоди молу хадамот, сармоя ва одамон таъкид намуд.
Вазири корҳои хориҷии Тоҷикистон зарур шуморид, то СҲИ барои мусоидат ба вокуниши самаранок ва дастаҷамъӣ ба вазъи кунунӣ ва пайдошудаи иқтисодиёт дар сатҳи минтақавӣ ва ҷаҳонӣ чораҳо андешад.
Ҳамкории дуҷонибаи Тоҷикистону Умон баррасӣ гардид
Сафири Тоҷикистон бо раиси Палатаи савдо ва саноати Салтанати Умон мулоқот намуд
Ҳамкории Тоҷикистон ва Эрон дар соҳаи илму фарҳанг баррасӣ шуд
Дар Берлин консерти ансамбли «Моҳирон» дар доираи фестивали байналмилалии Young Euro Classic баргузор гардид
Ҳамкории Тоҷикистону Кувайт дар соҳаи ҳуқуқи инсон баррасӣ шуд
Дар Кувайт ҳамкорӣ ва ҳамоҳангсозӣ дар самти консулӣ байни Тоҷикистон ва Давлати Кувайт баррасӣ гардид
Дар Вена масъалаҳои таҳкими ҳамкории илмӣ-фарҳангии Тоҷикистон ва Австрия баррасӣ гардиданд
Сироҷиддин Муҳриддин бо ҳамоҳангсози доимии СММ дар Тоҷикистон мулоқот намуд
Дар Анқара машваратҳои сиёсӣ байни вазоратҳои корҳои хориҷии Тоҷикистон ва Туркия баргузор шуданд
Масоили ҳамкорӣ дар соҳаи моликияти зеҳнӣ байни Тоҷикистон ва Корея баррасӣ гардид
Дар Теҳрон ҳамкории дуҷониба байни Тоҷикистон ва Эрон баррасӣ шуд
Сафири Тоҷикистон бо Вазири давлатии вазорати федералии корҳои хориҷии Олмон оид ба корҳои Аврупо мулоқот намуд
