Дар Осорхонаи Кӯлоб барои кӯдакони дорои имконияти маҳдуд барномаи фарҳангӣ доир шуд
ДУШАНБЕ, 20.09.2018. /АМИТ «Ховар»/. Дар назди Осорхонаи таъриху кишваршиносии 2700-солагии Кӯлоб дирӯз бо иштироки кӯдакони имконияташон маҳдуд, волидайн ва меҳмонон барномаи фарҳангӣ- бадеӣ таҳти шиори «Мо бачаҳои насли истиқлолем» баргузор гардид.
Барномаи мазкур ба дастгирӣ ва зиёд намудани ҷалби таваҷҷуҳи ҷомеа ба мушкилоти ҳифзи ҳуқуқи шахсони имконияташон маҳдуд ва беҳтар намудани шароити онҳо бахшида шуд.
Тавре аз маркази матбуоти Вазорати фарҳанги Ҷумҳурии Тоҷикистон ба мухбири АМИТ «Ховар» итттилоъ доданд, барнома дар асоси нақшаи фаъолияти кории Муассисаи давлатии «Муҷтамаи ҷумҳуриявии осорхонаҳои Кӯлоб» дар ҳамкорӣ бо ташкилотҳои ҷамъиятии Миссияи Шарқ ва «Заршедабону» гузаронида шуд.
Дар ҳамоиш, ки бо иштироки васеи кӯдакони дорои имконияти маҳдуд сурат гирифт, инчунин намояндагони мақомоти иҷроияи ҳокимияти давлатии шаҳри Кӯлоб, Раёсати маорифи шаҳр ва дастпарварони Мактаби мусиқии шаҳри Кӯлоб ҳузур доштанд.
Ба иштирокчиёни барнома баъди тамошои осорхона дар толори он филми мустанад дар мавзӯи «Маъюбонро эҳтиром бояд кард» манзур гардид.
Сипас, дар саҳни Осорхонаи 2700 — солагии Кӯлоб барои кӯдакони имконияташон маҳдуд ва ҳозирин барномаи хотирмони фарҳангӣ пешниҳод гардид.
Зикр шуд, ки ҳифзи иҷтимоии маъюбон, аз ҷумла, шахсони имконияташон маҳдуд яке аз самтҳои муҳим ва асосии сиёсати иҷтимоии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ҳисоб меравад. Аз замони ба даст овардани Истиқлолият то имрӯз тамоми кӯшишҳои Ҳукумати Ҷумҳурии Тоҷикистон баҳри таъмини кафолатҳои иҷтимоии мардум, хусусан маъюбон равона гардида, дар ҷумҳурӣ заминаи ҳуқуқии ҳифзи иҷтимоии маъюбон пурра таҳия ва мавриди амал қарор дода шудааст.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
