Дар шаҳри Хуҷанд Фестивали шаҳрии «Атласу адраси Хуҷанд — 2018» баргузор мегардад
ДУШАНБЕ, 14.09.2018. /АМИТ «Ховар»/. Бахшида ба Соли рушди сайёҳӣ ва ҳунарҳои мардумӣ охири моҳи сентябри соли равон дар шаҳри Хуҷанди вилояти Суғд Фестивали шаҳрии «Атласу адраси Хуҷанд — 2018» баргузор мегардад.
Дар ин бора аз мақомоти иҷроияи ҳокимияти давлатии шаҳри Хуҷанд ба АМИТ «Ховар» иттилоъ доданд.
Ба иттилои манбаъ, мақсади баргузории Фестивали шаҳрии «Атласу адраси Хуҷанд — 2018» эҳё ва тарғиби ҳунарҳои миллӣ, атласу адрасбофӣ, фарҳанги моддӣ, рушди соҳаи саноати сабук, муаррифии либосҳо аз матои табиии аз ҷиҳати экологӣ тоза, баланд бардоштани мақому завқи либоспӯшии миллӣ ва зебоипарастӣ мебошад.
Бояд гуфт, ки дар доираи баргузории Фестивал барои тарғибу ташвиқи анъанаҳои фарҳанги либоси миллӣ, истеҳсоли матоъҳои атласу адрас беҳтарин либосҳои миллӣ ба намоиш гузошта мешаванд.
Ёдовар мешавем, ки дар ҷамъбасти фестивал беҳтарин дӯзандагони либосҳои миллии қадимӣ, кӯдакона, расмӣ, идона, миллии арӯсию домодӣ бо назардошти зебоӣ, нотакрорӣ, ғайримуқаррарӣ, обуранг, истифодаи ҳунарҳои гулдӯзии дастӣ, қуроқдӯзӣ, интихоби ашёҳои ороишӣ, пардоз ва ғайра бо мукофотҳо сарфароз гардонида мешаванд.
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
