Дар Тоҷикистон Рӯзҳои синамои Ҷумҳурии Ӯзбекистон баргузор мегарданд
ДУШАНБЕ, 12.09.2018./АМИТ «Ховар»/. 15 – 17 сентябри соли равон Рӯзҳои синамои Ҷумҳурии Ӯзбекистон дар Ҷумҳурии Тоҷикистон баргузор мегарданд, ки дар доираи он намоиши як зумра филмҳо дар назар аст.
Дар ин бора ба АМИТ «Ховар» муовини раиси Раёсати Ҷамъияти дӯстӣ ва робитаҳои фарҳангии Тоҷикистон Мушаррафа Шарифова иттилоъ дод. Рӯзҳои синамои Ҷумҳурии Ӯзбекистон дар Ҷумҳурии Тоҷикистон бо ташаббуси Иттифоқи синамогарони Тоҷикистон, Муассисаи давлатии «Тоҷикфилм» ва Ҷамъияти дӯстӣ ва робитаҳои фарҳангии Тоҷикистон ташкил карда шуда, 15 сентябр дар «Кохи Наврӯз» оғоз меёбанд.
Дар доираи Рӯзҳо намоиши филмҳое, ки синамогарони ӯзбек солҳои соҳибистиқлолӣ ба навор гирифтаанд, дар назар аст. Аз ҷумла, 15 сентябр, соати 18:30 дар толори кинотеатри Кохи Наврӯз филми «Барон» намоиш дода мешавад.
16 сентябр, соати 10:00 дар кинотеатри «Зебуниссо» филми «Зурриёт», соати 11:00 дар кинотеатри «Лоҳутӣ»-и шаҳри Бохтар филми «Меросхӯр», соати 14:00 дар кинотеатри «Ватан» филми «Ойқиз эртагӣ» ва соати 17:00 дар кинотеатри «Зебуниссо» филми «Сабот» ба намоиш гузошта мешаванд.
Рӯзҳои синамои Ҷумҳурии Ӯзбекистон дар Ҷумҳурии Тоҷикистон 17 сентябр бо имзои Ёддошти тафоҳум байни Муассисаи давлатии «Тоҷикфилм» ва Агентии миллии «Ӯзбеккино» ба поён мерасад.
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Имрӯз дар шаҳри Душанбе ҳавои тағйирёбанда пешгӯӣ мешавад
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
