Дорандагони медалҳои нуқраи Бозиҳои осиёӣ- Умед Ҳасанбеков ва Шаҳриёр Даминов ба Ватан баргаштанд
ДУШАНБЕ, 05.09.2018. /АМИТ «Ховар»/. Шаби 5 сентябр охирин гурӯҳи варзишгарони тоҷик – иштирокчиёни
Бозиҳои Осиё-2018 ба Ватан баргаштанд.
Тавре аз Кумитаи миллии олимпии Тоҷикистон ба хабарнигори АМИТ «Ховар» хабар доданд, миёни варзишгарон, аз ҷумла, барандагони медалҳои нуқраи бозиҳо варзишгарони маъруфи тоҷик Шаҳриёр Даминов ва Умед Ҳасанбеков низ буданд.
Шаҳриёр дар мусобиқаи қаиқронӣ дар байдаркаи якнафара дар масофаи 1000 метр, Умед дар мусобиқаи самбо, вазни -90 кг дар Бозиҳои 18-умини Осиё, ки аз 18 август то 2 сентябр дар шаҳрҳои Ҷакарта ва Палембанги Индонезия баргузор шуданд, сазовори медали нуқра гардиданд.
Варзишгарон зимни суҳбат барои дастгирӣ ва муҳайё кардани шароити тамрин ба Ҳукумати ҷумҳурӣ, хусусан Пешвои миллат, Президенти ҷумҳурӣ, Президенти Кумитаи миллии олимпии Тоҷикистон муҳтарам Эмомалӣ Раҳмон изҳори сипос карда, гуфтанд, ки барои муаррифии кишвар дар сатҳи ҷаҳон боз ҳам талош мекунанд.
Бояд зикр кард, ки Умед Ҳасанбеков акнун ба Чемпионати ҷаҳон оид ба самбо, ки 9-11 ноябри соли равон дар шаҳри Бухарести Руминия баргузор мегардад, омодагӣ мебинад.
Шаҳриёр Даминов барои ба даст овардани роҳхати Бозиҳои тобистонаи олимпии Токио-2020 талош мекунад.
Дар хоҷагиҳои шаҳри Ҳисор ҷамъоварии ҳосили пахта оғоз гардид
Имрӯз дар шаҳри Душанбе ҳаво то 33 дараҷа гарм мешавад
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
