«ЭЛОК-2015»: дар ноҳияи Файзобод нахустин корхонаи коркарди шир ба фаъолият оғоз кард
ДУШАНБЕ, 05.09.2018. /АМИТ «Ховар»/. Ба муносибати 27-солагии Истиқлолияти давлатии Ҷумҳурии Тоҷикистон аз ҷониби соҳибкори маҳаллӣ Рустам Назриев дар ноҳияи Файзобод нахустин корхонаи коркарди шир ба фаъолият оғоз кард. Инак, маҳсулоти корхонаи ҶДММ «ЭЛОК-2015» чанд рӯз боз рафҳои мағозаву дастурхони мардумро пур кардааст. Зеро он аз ҷиҳати экологӣ тоза буда, мувофиқ ба талаботи муосир истеҳсол мешавад.
Тавре соҳибкор Рустам Назриев дар суҳбат ба хабарнигори АМИТ иброз намуд, «чанд сол пеш дар деҳаи Элоки ноҳияи Файзобод нуқтаи қабули шир бунёд карда будам. Имсол бо дастгирии мақомоти иҷроияи ҳокимияти давлатии ноҳия дар маркази ноҳия боз як корхонаи коркарди шир таъсис додам. Дар арафаи 27-солагии Истиқлолияти давлатӣ коргоҳи истеҳсоли маҳсулоти ширии турш-қурути Файзобод ба роҳ монда мешавад».
Зикр шуд, ки иқтидори истеҳсолии коргоҳи коркарди шир дар як шабонарӯз то 2 тонна ва дар як моҳ то 60 тонна маҳсулотро ташкил медиҳад. ҶДММ «ЭЛОК-2015» ҳафт намуд маҳсулоти ширӣ, аз қабили қаймоқ, ҷурғот, сметана, кефир, творог, чака ва дуғ истеҳсол мекунад.
Сифати тамоми маҳсулоти ширӣ дар озмоишгоҳ санҷида шуда, он дар сардхона нигоҳ дошта мешавад. Соҳибкор мақсад дорад, ки аз Ҷумҳурии Мардумии Чин барои коркарди 8-10 тонна шир таҷҳизоти замонавӣ ворид карда, ҳаҷми истеҳсоли маҳсулотро афзун намояд.
Ба андешаи масъулин, имкони дар ҳамаи ҷамоатҳои деҳоти ноҳия бунёди чунин корхонаҳои шир муҳайёст. Зеро шири дар як шабонарӯз истеҳсол мекардаи чорводорони ноҳия 38 тоннаро ташкил медиҳад. Ин омил агар аз як тараф сокинони ноҳияро бо маҳсулоти ширӣ таъмин кунад, аз ҷониби дигар имкон медиҳад, ки нафарони зиёд соҳиби ҷойи кор гарданд.
Роҳбарияти корхона азм дорад, ки то ҷашни 30-солагии Истиқлолияти давлатӣ коргоҳи истеҳсоли панир ва яхмоси Файзободро низ ба кор дарорад. Дар ҳолати пурра ба кор даромадани коргоҳҳои ин корхона беш аз 50 нафар бо кори доимӣ таъмин мегарданд.
АЗ ИСТИҚЛОЛ ТО ИСТИҚЛОЛОФАРӢ. Андешаҳои коршиноси масоили сиёсӣ дар ин маврид
РУШДИ САНОАТ ДАР 35 СОЛИ ИСТИҚЛОЛИ ТОҶИКИСТОН. Дар вилояти Хатлон беш аз 900 корхонаи саноатӣ фаъолият мекунад
Пешвои миллат Эмомалӣ Раҳмон: «Ман ба масъулиятшиносӣ, таҷриба ва заҳмати софдилонаи бунёдгарони «Роғун» эътимоди комил дорам»
Президенти Ҷумҳурии Тоҷикистон Эмомалӣ Раҳмон дар ноҳияи Файзобод аз намоиши маҳсулоти кишоварзӣ, ҳунарҳои мардумӣ ва таомҳои миллӣ боздид намуданд
Ба Сарвари давлат Эмомалӣ Раҳмон чор лоиҳаи муҳим, ки ба рушди инфрасохтори иҷтимоиву иқтисодии ноҳияи Файзобод равона шудаанд, муаррифӣ гардид
Пешвои миллат Эмомалӣ Раҳмон дар ноҳияи Файзобод якчанд иншооти соҳаи маорифро фосилавӣ ба истифода доданд
Сарвари давлат Эмомалӣ Раҳмон дар ноҳияи Файзобод бинои нави муассисаи таҳсилоти миёнаи умумии №11-ро мавриди истифода қарор доданд
Алоқа барои донишҷӯён: интернет ва дақиқаҳои зиёд бо 50 сомонӣ дар як моҳ
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар вохӯрӣ бо бунёдгарони Неругоҳи барқи обии «Роғун»
Пешвои миллат Эмомалӣ Раҳмон дар шаҳри Роғун бо бунёдгарони Неругоҳи «Роғун» мулоқот намуданд
ҲИЗБИ ХАЛҚИИ ДЕМОКРАТИИ ТОҶИКИСТОН — ҲАМҚАДАМИ ИСТИҚЛОЛ. Бо чунин унвон дар ноҳияи Фирдавсӣ барномаи фарҳангӣ доир шуд
Дар Ҷамоати деҳоти Равшани ноҳияи Зафаробод корхонаи нави парандапарварӣ бунёд карда шуд
