ФУТБОЛ: ғалабаи «Истиқлол» бар дастаи «Локомотив-Помир»-и Душанбе
ДУШАНБЕ, 5.09.2018 /АМИТ «Ховар»/. Шоми дирӯз дар Варзишгоҳи марказии шаҳри Душанбе бозии аввали даври ¼- ниҳоии Ҷоми Тоҷикистон байни дастаҳои футболи «Истиқлол» ва «Локомотив-Помир»-и Душанбе баргузор гардид.
Тавре аз Федератсияи футболи Тоҷикистон ба хабарнигори АМИТ «Ховар» иттилоъ доданд, рақобати дастаҳои «Истиқлол»-и Душанбе ва «Локомотив-Помир»-и Душанбе пуршиддат ҷараён гирифта, бо ҳисоби 4:3 ба нафъи дастаи футболи «Истиқлол» хотима ёфт.
Дар вохӯрии ҷолибу диданӣ голҳои ҳарду дастаҳоро Шериддин Бобоев, Шарифбек Раҳматов, Рустам Соиров ва Фатҳулло Фатҳуллоев ба ҳадаф расониданд.
То ин дам дар ҷараёни рақобатҳои ¼-ниҳоӣ дастаи футболи «Барқчӣ» дар майдонаш аз дастаи «Хуҷанд» бо ҳисоби 0:2, дастаи «Хатлон» аз дастаи футболи «Регар-ТадАЗ» 0:3 ва дастаи «Файзканд»-и Восеъ аз дастаи футболи «Душанбе-83» бо ҳисоби 0:1 мағлуб гардиданд. Ба ақидаи коршиносони футболи кишвар, бо ин дастаҳои ғолиб қадами устувори худро ба бозиҳои нимниҳоӣ гузоштанд.
Ба иттилои манбаъ, бозиҳои ҷавобии Ҷоми Тоҷикистон оид ба футбол охири моҳи сентябр доир хоҳанд шуд.
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Имрӯз дар ноҳияҳои алоҳидаи кӯҳии Тоҷикистон борон меборад
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
