ИНТИХОБИ ҶОДАИ ИЛМ-РОҲ БА СӮИ ШАЪНУ ШАРАФ. Маросими хатми ботантанаи адъюнктони тоҷик дар шаҳри Москва
ДУШАНБЕ, 13.09.2018. /АМИТ «Ховар»/. Дар толори Шарафи Донишгоҳи Вазорати корҳои дохилии Россия ба номи В.Я. Кикоти шаҳри Москва маросими хатми тантанавии адъюнктони (аспирантони мактаби олии ҳарбӣ) факултети кадрҳои илмӣ-педагогӣ ва илмии Донишгоҳи мазкур, ки аз курсҳои олии таълимӣ гузашта, аттестатсияи давлатиро бомуваффақият супоридаанд, баргузор гардид.
Тавре аз Вазорати корҳои дохилии Ҷумҳурии Тоҷикистон ба АМИТ «Ховар» хабар доданд, дар маросими супоридани дипломҳо сардори Донишгоҳ, генерал-полковники политсия Игор Калиниченко, ҳамчунин ҳайати профессорону омӯзгорони Донишгоҳ иштирок намуданд.
Мавриди зикр аст, ки дар маросими мазкур кормандони Академияи ВКД ҶТ – омӯзгорони кафедраи ҳуқуқи маъмурӣ ва фаъолияти маъмурии факултети № 2, капитани милитсия Наврӯз Валиев ва Сайфуддин Исмонзода ҳамчун хатмкунандагони адъюнктураи Донишгоҳ иштирок намуданд.
Сардори Донишгоҳ И. Калиниченко иброз намуд, ки ба даст овардани диплом оид ба хатм намудани адъюнктура – ин маънои хотима не, балки давом ва оғози роҳ ба сӯи илм, ҷараёни мураккаб, самарабахш, вале ҷолиб ва шаъну шараф мебошад. Дар пеш хатмкунандагонро санҷиши муҳимтарин интизор аст- ҳимояи диссертатсияҳои номзадии илми ҳуқуқ. Сардори Донишгоҳ боварии комил баён намуд, ки хатмкунандагон аз уҳдаи вазифаҳои муқарраргардида ба хубӣ баромада, фаъолияти худро дар соҳаи илм ва таълим бо шаъну шараф идома хоҳанд дод.
Ҳайати профессорону омӯзгорони Академияи ВКД ҶТ хатмкунандагони худро табрик намуда, дар корҳои илмӣ-тадқиқотии минбаъдаи онҳо комёбиҳои беназир таманно намуд.
Ба хотири гиромидошти 115-солагии Шоири халқии Тоҷикистон Мирзо Турсунзода дар Шаҳринав ҳамоиши илмӣ доир шуд
РАВАНДИ ОБИ ДУШАНБЕ. Моҳи май дар пойтахти Тоҷикистон Фестивали об баргузор мешавад
Оид ба масъалаҳои мубрами филологияи Шарқ ва робитаҳои адабӣ конференсияи байналмилалӣ доир шуд
Каналҳои магистралии Вахш ва Шуробод ба таҷдиди куллӣ фаро гирифта шудаанд
Дар заминҳои назди Муассисаи таҳсилоти миёнаи умумии №5-и ноҳияи Кӯшониён картошка кишт карда шудааст
Сулҳофар, тоҷикпарвар, ваҳдатгаро, ташаббускор, роҳкушо, нурофар, сипаҳсолор — ҳафт сифати барҷастаи роҳбарии Пешвои миллат
Имрӯз дар Тоҷикистон ҳавои тағйирёбанда пешгӯӣ шуда, борони кӯтоҳмуддат меборад
Дар Маркази назорати давлатии санитарию эпидемиологии вилояти Суғд вохӯрӣ баргузор шуд
Имрӯз дар Тоҷикистон ҳавои тағйирёбанда шуда, борони кӯтоҳмуддат меборад
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
