Масъалаи пурзӯр намудани иқтидори хадамоти муҳоҷират ва сарҳадот бо намояндагони Полша баррасӣ гардид
ДУШАНБЕ, 20.09.2018. /АМИТ «Ховар»/. Дирӯз муовини Вазири корҳои дохилии Ҷумҳурии Тоҷикистон Маҳмадсаид Саидзода бо ҳайати низомиёни Полша- директори Раёсати кор бо хориҷиёни Хадамоти марзбонии Полша Анджей Якубашек, мушовири Раёсати мазкур ва прапоршик Изабелла Валчак, сармутахассиси бахши мушаххассозии ҳувияти паноҳҷӯёни Раёсати Аврупо ва Осиёи Марказии Хадамоти марзбонии Полша Эдита Скибинска мулоқот доир намуд.
Тавре аз Вазорати корҳои дохилӣ ба мухбири АМИТ «Ховар» хабар доданд, зимни вохӯрӣ ҷонибҳо масъалаҳои ҳамкорӣ дар соҳаи барқарорсозии механизмҳои муайянкунии шаҳрвандони хориҷие, ки худро ҳамчун шаҳрвандони Тоҷикистон муаррифӣ мекунанд, расмиёти баргардонидани чунин шахсон ба кишвари иқомат ва пурзӯр намудани иқтидори хадамоти муҳоҷират ва сарҳадро мавриди баррасӣ қарор доданд.
Ба иттилои манбаъ, дар ҷараёни вохӯрӣ аз ҷониби директори Раёсати кор бо хориҷиёни Хадамоти марзбонии Полша Анджей Якубашек ҷиҳати омӯхтани таҷрибаи ин давлат оид ба мубориза бо муҳоҷирати ғайриқонунӣ, мушаххассозии ҳувият ва мубодилаи иттилоот як зумра пешниҳодҳои судманд манзур гардиданд.
Зикр гардид, ки дар доираи ҳамкории Иттиҳоди Аврупо бо Тоҷикистон як зумра Созишнома, Конвенсия ва дигар санадҳои меъёрии ҳуқуқӣ мавҷуд мебошанд, ки ҷиҳати рушду нумӯъ ёфтани муносибатҳои муфиди Хадамоти марзбонии Полша бо Вазорати корҳои дохилии Ҷумҳурии Тоҷикистон заминаи мусоид фароҳам меоранд.
Зимни мулоқот ҷонибҳо баҳри тақвият бахшидани ҳамкории дуҷониба изҳори боварӣ намуданд.
Оид ба механизмҳои муосири арзёбии сифати таҳсил дар муассисаҳои таҳсилоти олӣ ҳамоиш доир гардид
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
