ОБУ ҲАВО: рӯзҳои истироҳатӣ дар Тоҷикистон ҳавои абрноки тағйирёбанда дар назар аст

ДУШАНБЕ, 22.09.2018. /АМИТ «Ховар»/. Рӯзҳои истироҳатӣ дар ҷумҳурӣ ҳавои камабри тағйирёбанда шуда, дар бештари ноҳияҳои кӯҳӣ боридани борон ва ба амал омадани раъду барқ дар назар аст.  Чунин вазъи обу ҳаво то 26 сентябр боқӣ ҳоҳад монд. Дар ин бора аз Агентии обуҳавошиносии Тоҷикистон ба мухбири АМИТ «Ховар» иттилоъ доданд.

Ба иттилои манбаъ, имрӯз дар Вилояти Мухтори Кӯҳистони Бадахшон ҳавои абрноки боронӣ пешгӯӣ гардида, ҳаво дар ғарби вилоят шабона 5-10, рӯзона 21+26 ва дар шарқи ин вилоят шабона 1-4 ва рӯзона +9+14 дараҷа гарм мешавад.

Имрӯз дар вилояти Суғд ҳавои абрноки тағйирёбанда шуда, боридани борон ва ба амал омадани раъду барқ дар назар аст. Ҳаво дар водиҳо шабона +9+14 ва рӯзона +23+28 дараҷа гарм мешавад.

Дар вилояти Хатлон ҳавои камабри тағйирёбанда пешгӯӣ шуда, танҳо охирҳои  рӯз дар ноҳияҳои кӯҳӣ боридани боронҳои кӯтоҳмуддат пешбинӣ гардидааст. Дар водиҳо шабона 15-20 ва рӯзона 27+32 дараҷа гарм хоҳад шуд.

Дар шаҳру ноҳияҳои тобеи марказ ҳаво абрноки тағйирёбанда  шуда, борон ва раъду барқ ба амал меояд. Шабона +10 +15 ва рӯзона +27+32 дараҷа гарм мешавад.

Дар шаҳри Душанбе шабона хаво абрноки тағйирёбанда шуда, шабона +10+12 ва рӯзона +26+28 дараҷа гарм мешавад.