Раиси шаҳри Исфара ба мактабҳои тоҷикии Ӯчқурғони Қирғизистон китобҳои дарсӣ туҳфа кард
ДУШАНБЕ, 24.09.2018. /АМИТ «Ховар»/. 22 сентябри соли равон раиси шаҳри Исфара Сиҷоуддин Саломзода бо раиси Ҷамъияти тоҷикони минтақаи Ӯчқурғон, муовини раиси Ҷамъияти тоҷикони Қирғизистон ба номи Абуабдуллоҳи Рӯдакӣ Мавлонҷон Абдураззоқов мулоқот намуд. Дар ҷараёни мулоқот шаҳрдори Исфара бо назардошти эҳтиёҷу ниёзмандии толибилмони мактабҳои тоҷикии Ӯчқурғон 200 адад китобҳои дарсии забону адабиёти тоҷикро барои синфҳои 8-11 ба Мавлонҷон Абдураззоқов тақдим кард.
Маркази матбуотии раиси шаҳри Исфара хабар медиҳад, ки дар раванди мулоқот ба ҳамкории илмиву фарҳангӣ ва ниёзмандиҳои соҳаи маориф дар навоҳии тоҷикнишини кишвари ҳамсоя таваҷҷуҳи махсус зоҳир карда шудааст.
Мавлонҷон Абдураззоқов зимни суҳбат иброз доштааст, ки айни замон дар Ӯчқурғон 8 мактаби тоҷикӣ фаъолият дошта, бинобар норасоии китобҳои дарсӣ устодону шогирдони муассисаҳои таълимӣ бо мушкилот рӯ ба рӯ ҳастанд. «Ин туҳфаи арзишманди Раиси шаҳри Исфара ба толибилмони мактабҳои миёна ба номи Садриддин Айнӣ, Абдураҳмони Ҷомӣ, Абуабдуллоҳи Рӯдакӣ ва Дӯстӣ тақдим хоҳад шуд»,-гуфтааст раиси Ҷамъияти тоҷикони Ӯчқурғон Мавлонҷон Абдураззоқов.
Имрӯз дар шаҳри Душанбе ҳавои тағйирёбанда пешгӯӣ мешавад
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
