Тоҷикистон дар ҷаласаи Шӯрои иқтисодии Иттиҳоди Давлатҳои Мустақил иштирок мекунад
ДУШАНБЕ, 14.09.2018. /АМИТ «Ховар»/. Имрӯз, 14 сентябри соли 2018 дар шаҳри Москва ҷаласаи 79-уми Шӯрои иқтисодии Иттиҳоди Давлатҳои Мустақил доир мегардад, ки дар он аз Ҷумҳурии Тоҷикистон муовини якуми Сарвазири мамлакат Давлаталӣ Саид ва Вазири рушди иқтисод ва савдо Неъматулло Ҳикматуллозода иштирок мекунанд. Дар ин бора аз Вазорати рушди иқтисод ва савдои Ҷумҳурии Тоҷикистон ба АМИТ «Ховар» хабар доданд.
Ба иттилои манбаъ, дар ҷаласа масъалаҳои муҳиме, ки соҳаҳои гуногуни ҳамкории иқтисодии кишварҳои ИДМ-ро фаро мегиранд, баррасӣ карда мешаванд.
Интизор меравад, ки дар ҷаласа муовинони сарвазирони кишварҳои Иттиҳод ҷараёни татбиқи муқаррароти Шартнома оид ба минтақаҳои озоди иқтисодӣ ва як зумра барномаҳои байнидавлатӣ, инчунин ҷанбаҳои гуногуни омодагӣ барои гузаронидани барӯйхатгирии аҳолӣ дар соли 2020 дар кишварҳои ИДМ-ро муҳокима намоянд.
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Имрӯз дар шаҳри Душанбе ҳавои тағйирёбанда пешгӯӣ мешавад
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
