Ваҳдат: соли равон кишоварзон 21027 тонна ғалладона ва 33706 тонна сабзавот ҷамъоварӣ намудаанд
ВАҲДАТ, 22.09.2018 /АМИТ «Ховар»/. Кишоварзони шаҳри Ваҳдат то имрӯз аз майдони 6459 гектар 21027 тонна ғалладона ҷамъоварӣ намуданд, ки ин нисбат ба ҳамин давраи соли гузашта 401 тонна зиёд мебошад.
Тавре сардори Раёсати кишоварзии шаҳри Ваҳдат Зафар Искандаров дар суҳбат ба хабарнигори минтақавии АМИТ «Ховар» иброз намуд, соли равон деҳконон нашъунамои сабзавот ва картошкаро хуб ба роҳ монда, то имрӯз аз майдони 616 гектар 10035 тонна картошка ва аз 2854 гектар 33706 тонна сабзавот ҷамъоварӣ намудаанд, ки ин аз мувафақияти деҳқонон дарак медиҳад.
Бояд зикр кард, ки барои боғдорони шаҳри Ваҳдат низ соли равон бобарор омад. Онҳо барои ҳифзи боғҳо аз ҳашароти зараррасон ва пурсамар гардидани боғзорон аз тамоми имкониятҳои мавҷуда истифода бурданд.
Боиси хушҳолист, ки заҳматҳои шабонарӯзии онҳо натиҷаи нек ба бор оварда, хоҷагидорон ба гирифтани ҳосили баланд ноил гардиданд. Онҳо то имрӯз 3866 тонна мева ва 2014 тонна ангур ҷамъоварӣ намуданд.
Имрӯз дар шаҳри Душанбе ҳавои тағйирёбанда пешгӯӣ мешавад
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
