БА ПЕШВОЗИ РӮЗИ СОҲИБКОР. Дар шаҳри Кӯлоб Форуми сармоягузорӣ баргузор мегардад
ДУШАНБЕ, 4.10.2108. /АМИТ «Ховар»/. Даҳаи дуюми моҳи октябри соли равон бахшида ба Рӯзи соҳибкор дар шаҳри Кўлоб Форуми байналмилалии сармоягузорӣ баргузор мегардад.
Тавре аз Мақомоти иҷроияи ҳокимияти давлатии шаҳри Кӯлоб ба АМИТ «Ховар» хабар доданд, ба Форуми сармоягузорӣ дар баробари масъулину соҳибкорони ватанӣ, ҳамчунин шарикони рушд, ташкилотҳои байналмилалӣ ва соҳибкорони хориҷӣ даъват мешаванд.
Зимни Форуми мазкур таҳия ва татбиқи барнома ва нақшаҳои рушди иҷтимоию иқтисодӣ ҳамчун механизми татбиқи Ҳадафҳои Рушди Устувор, имконият ва захираҳои мавҷуда барои ташкили минтақаи озоди иқтисодии саноатӣ, истифодаи самараноки иқтидорҳои мавҷуда, роҳу имкониятҳои саноатикунонии шаҳр, имкониятҳои рушди соҳаи кишоварзӣ ва сайёҳӣ мавриди баррасӣ қарор дода мешаванд.
Ёдовар мешавем, ки бо ташаббуси Президенти мамлакат муҳтарам Эмомалӣ Раҳмон дар ҷумҳурӣ аз соли 2014 инҷониб 14 октябр Рӯзи соҳибкор эълон гардидааст. Ин рӯз бо назардошти саҳми соҳибкорони ватанӣ дар рушди иқтисоди миллӣ ҳар сол дар мамлакат таҷлил мегардад.
Дар доираи санаи мазкур ҳамасола дар мамлакат Форуми сармоягузорон баргузор гардида, дар кори он, аз ҷумла садҳо нафар соҳибкорону сармоягузорони дохилию бурунмарзӣ, роҳбарони созмонҳои байналмилалии молиявӣ, намояндагони баландпояи кишварҳои хориҷӣ ва дигар шарикони иқтисодӣ иштирок мекунанд.
8 июл дар якчанд вазорату идора нишасти матбуотӣ баргузор мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
СОЛИ ОБОДОНИЮ СОЗАНДАГӢ. Дар муассисаҳои таълимии шаҳри Панҷакент бино ва синфхонаҳои иловагӣ сохта мешавад
Имрӯз дар водиҳои Тоҷикистон ҳаво то 39 дараҷа гарм мешавад
250 кӯдак дар «Чангоб» ба истироҳат фаро гирифта шуданд
