Дар шаҳри Москва Форуми ҷавонони Россия ва Тоҷикистон ҷараён дорад
ДУШАНБЕ, 31.10.2018 /АМИТ «Ховар»/. Шурӯъ аз 29 октябр дар шаҳри Москва аввалин Форуми ҷавонони Россия ва Тоҷикистон ҷараён дорад. Ҷумҳурии Тоҷикистонро дар ин форум 10 нафар ҷавонони фаъол намояндагӣ мекунанд.
Тавре корманди Кумитаи кор бо ҷавонон ва варзиши назди Ҳукумати ҷумҳурӣ Каримҷон Салимзода аз шаҳри Москва ба АМИТ «Ховар» хабар дод, дар рӯзи аввали Форум меҳмонон аз мавзеъҳои фарҳангӣ, таърихӣ ва сайёҳии шаҳри Масква дидан намуданд.
Дар маросими ифтитоҳи Форуми ҷавонони Россия ва Тоҷикистон зикр шуд, ки баргузории чунин форум муносибати ҷавононро қавитар намуда, баҳри боз ҳам беҳтар ба роҳ мондани дӯстӣ ва ҳамкорӣ миёни онҳо заминаи мустаҳкам фароҳам меорад.
Ёдовар мешавем, форуми мазкур то 4 ноябр идома ёфта, имконият медиҳад, ки ҷавонони ду давлат бо расму оин ва фарҳанги ҳамдигар аз наздик шинос шаванд.
Дар чаҳорчӯбаи форум иштирокчиён бо намояндагони баландпояи Федератсияи Россия: Москва ва Владикавказ ошно шуда, сиёсати ҷавонон ва ҳамкории дуҷонибаи Россияву Тоҷикистонро дар самти ҷавонон баррасӣ менамоянд.
Дар шаҳри Душанбе ҷашни Меҳргон таҷлил мегардад
Имрӯз дар ноҳияҳои кӯҳии Тоҷикистон ҳаво то 25 дараҷа гарм мешавад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
