Дар Тоҷикистон Рӯзҳои фарҳанги Туркманистон баргузор мегарданд
ДУШАНБЕ, 12.10.2018 /АМИТ «Ховар»/. Интизор меравад, ки ҳайати 350-нафараи мутрибону раққосон ва овозхонҳои туркман ҷиҳати ҳунарнамоӣ дар Рӯзҳои фарҳанги Туркманистон, ки 14-15 октябри соли равон дар Ҷумҳурии Тоҷикистон доир мегарданд, ба Тоҷикистон ташриф оранд. Дар ин бора ба АМИТ «Ховар» аз Вазорати фарҳанги ҷумҳурӣ иттилоъ доданд.
Тибқи иттилои манбаъ, 15 октябр дар Осорхонаи миллии Тоҷикистон вохӯрии ҳайати расмии фарҳангиёни Туркманистон бо роҳбарияти Вазорати фарҳанги Ҷумҳурии Тоҷикистон доир мегардад. Рӯзҳои фарҳанги Туркманистон дар Ҷумҳурии Тоҷикистон дар доираи таҳкими густариши робитаҳои фарҳангӣ бо мақсади рушди ҳамкории фарҳангии ду кишвар ва шинос намудани мардуми тоҷик бо санъат ва фарҳанги халқи туркман гузаронида мешаванд.
Инчунин дар доираи баргузории Рӯзҳои фарҳанги Туркманистон дар Театри давлатии академии драмавии ба номи Абулқосим Лоҳутӣ намоиши драмаи «Гулпам»-и Театри давлатии мусиқӣ-драмавии ба номи С. Сейдии вилояти Лебапи Туркманистон дар назар аст. Ҳамзамон дар муҷтамаи давлатии «Кохи Борбад»-и шаҳри Душанбе намоиши ҳунарҳои мардумии минтақаҳои гуногуни Туркманистон ва барномаи консертии устодони санъати ин кишвар доир мегардад.
Дар назар аст, ки як қисми ҳайати фарҳангиии Туркманистон ба ноҳияи Дӯстии вилояти Хатлон сафар намуда, дар назди сокинони ноҳияи Дӯстӣ бо барномаи консертӣ ҳунарнамоӣ намоянд.
Оид ба механизмҳои муосири арзёбии сифати таҳсил дар муассисаҳои таҳсилоти олӣ ҳамоиш доир гардид
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
