Дар Тоҷикистон Рӯзи байналмилалии коҳиши хатарҳо таҷлил карда мешавад
ДУШАНБЕ, 11.10.2018 /АМИТ «Ховар»/. Ба муносибати Рӯзи байналмилалии коҳиши хатарҳо, ки ҳамасола 13 октябр таҷлил мегардад, Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бо дастгирии Барномаи ҷаҳонии озуқавории СММ, ЮНИСЕФ ва Раёсати СММ оид ба ҳамоҳангсозии масъалаҳои гуманитарӣ дар Ҷумҳурии Тоҷикистон дар қаламрави ҷумҳурӣ як зумра чорабиниҳои иттилоотӣ — таблиғотӣ доир менамояд.
Дар ин бора ба АМИТ «Ховар» котиби матбуоти Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Умеда Юсуфӣ, иттилоъ дод. Дар доираи таҷлили Рӯзи байналмилалии коҳиши хатарҳо баргузории озмунҳои гуногун, аз қабили озмуни тасвирӣ барои кӯдакон, нигориши матолиби журналистӣ барои рӯзноманигорони ватаниву хориҷӣ, ташкили ҳамоишҳо, вохӯрии кормандони Кумита бо хонандагони мактабҳои таҳсилоти умумӣ ва донишҷӯёни донишгоҳҳои олӣ дар назар дошта шудааст.
Ҳадаф аз таҷлили ин рӯз огоҳсозии сокинон аз хатарҳои ҳолатҳои фавқулода ва роҳнамоии онҳо барои коҳиши хатарҳо мебошад.
Ёдовар мешавем, ки Рӯзи байналмилалии коҳиши хатарҳо тибқи қатъномаи Ассамблеяи генералии СММ шурӯъ аз соли 1989 таҷлил карда мешавад.
Паҳлавонони тоҷик дар Чемпионати ҷаҳон оид ба кураш соҳиби шаш медал гардиданд
Ба ифтихори Рӯзи Президенти Тоҷикистон дар Академияи идоракунии давлатӣ ҳамоишҳо баргузор мегарданд
Дастаи мунтахаби ҷавонони Тоҷикистон (U-20) дар Чэнду бо дастаҳои Кореяи Ҷанубӣ, Чин ва Ветнам бозӣ мекунад
Дар Хатлон Рӯзи милитсияи тоҷикро таҷлил намуданд
Муассисаи давлатии нигоҳдории роҳҳои мошингарди минтақаи Ҳисор ба зимистон омода мебошад
Имрӯз дар шаҳри Душанбе борон меборад
Имрӯз дар ноҳияҳои алоҳидаи Тоҷикистон борон меборад
КОНСТИТУТСИЯ — РАҲНАМОИ ДАВЛАТДОРИИ МИЛЛӢ. Дар ноҳияи Ёвон ҳамоиши тантанавӣ баргузор шуд
Конститутсия кафолати адолати иҷтимоӣ, сулҳу ваҳдат ва рушди устувор аст
Бахшида ба Рӯзи Конститутсия дар Вазорати рушди иқтисод ва савдо ҳамоиши тантанавӣ доир шуд
