Донишгоҳи давлатии омӯзгории Тоҷикистон ба давраи тирамоҳу зимистони солҳои 2018-2019 омодагӣ мебинад
ДУШАНБЕ, 19.10.2018 /АМИТ «Ховар»/. Паст шудани ҳарорати ҳаво аз бармаҳал омадани зимистон дарак медиҳад. Бояд гуфт, ки тирамоҳи имсола назар ба солҳои пешин сардтар буда, соҳаҳои иҷтимоиёти ҷумҳуриро зарур аст сари вақт ба давраи тирамоҳу зимистони солҳои 2018-2019 омода шаванд.
Тавре аз Донишгоҳи давлатии омӯзгории Тоҷикистон ба номи Садриддин Айнӣ ба хабарнигори АМИТ «Ховар» иттилоъ доданд, дар асоси нақшаи чорабиниҳо оид ба давраи зимистонгузаронии солҳои 2018-2019 донишгоҳ як қатор корҳоро ба анҷом расонидааст. Ҳоло тамоми биноҳои таълимии донишгоҳ ба шабакаҳои гармидиҳӣ таъмин буда, зиёда аз 1500 адад лампаи каммасраф ва ЭЛБ харидорӣ шудаанд.
Ҳамчунин роҳравҳои ошёнаҳои биноҳои таълимӣ ва синфхонаҳо бо равшанӣ пурра таъмин шуда, шишабандии тирезаҳои Донишгоҳ дар назар аст. Донишгоҳи давлатии омӯзгории Тоҷикистон барои пешгирӣ намудани лағжиш дар фасли сармо 2 тона қуми бо намак омехта харидорӣ намудааст.
Бояд зикр кард, ки барои омадагии фасли сармо дар истгоҳҳои хурди барқии биноҳои таълимӣ корҳои профилактикӣ идома дошта, ҳамаи хатҳои барқӣ таъмир гардидаанд. 36 адад обравҳои шифтҳои атрофи биноҳои таълимӣ аз таъмир бароварда, ҳамаи шифтҳои 11 бинои таълимӣ аз назар гузаронида шуда, ба зимистонгузаронӣ омода мебошанд.
Ҳамчунин бояд зикр намуд, ки барои гарм нигоҳ доштани хонаҳои донишҷӯён хобгоҳҳои донишгоҳ бо печҳои барқӣ таъмин шудаанд.
Айни замон баъзе корҳои омодагӣ ба давраи зимистон идома дошта, дар кӯтоҳтарин муддат ба анҷом расонида мешаванд.
Оид ба механизмҳои муосири арзёбии сифати таҳсил дар муассисаҳои таҳсилоти олӣ ҳамоиш доир гардид
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
