Хуҷанд узви Палатаи савдо ва саноати ташкилоти байналхалқии «Роҳи абрешим» гардид
ДУШАНБЕ, 31.10.2018 /АМИТ «Ховар»/. Шаҳри Хуҷанд аз тарафи Палатаи савдо ва саноати ташкилоти байналхалқии «Роҳи абрешим» ба узвияти комилҳуқуқ пазируфта шуд. Гувоҳномаи узвият аз ҷониби ин ташкилоти бонуфузи ҷаҳонӣ ирсол гардида, онро Раиси вилояти Суғд Раҷаббой Аҳмадзода ба роҳбарияти шаҳри Хуҷанд супорид.
Дар ин бора аз хадамоти матбуоти Раиси вилояти Суғд ба АМИТ «Ховар» хабар доданд.
Бояд зикр намуд, ки Палатаи савдо ва саноати ташкилоти байналхалқии «Роҳи абрешим» соли 2015 дар минтақаи махсуси Гонконг таъсис дода шуда, он ширкатҳои бузургтарини 36 давлатро муттаҳид месозад.
Акнун шаҳри Хуҷанд метавонад бо узвият дар Палатаи савдо ва саноати ташкилоти байналхалқии «Роҳи абрешим» аз имконот ва захираҳои шаҳрҳои узви он васеъ истифода бурда, равобити тиҷоратии хешро тавсеа бахшад.
Имрӯз дар шаҳри Душанбе ҳавои тағйирёбанда пешгӯӣ мешавад
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
