Маросими ҷамъбасти Озмуни ҷумҳуриявии «Маҳсулот ва хизматрасонии беҳтарин дар Ҷумҳурии Тоҷикистон- 2018» ифтитоҳ гардид
ДУШАНБЕ, 20.10.2018 /АМИТ «Ховар»/. Имрӯз дар Муассисаи давлатии «Боғи Ирам»-и шаҳри Душанбе маросими ҷамъбасти Озмуни ҷумҳуриявии «Маҳсулот ва хизматрасонии беҳтарин дар Ҷумҳурии Тоҷикистон- 2018» ифтитоҳ гардид.
Тавре хабарнигори АМИТ «Ховар» аз ҷараёни баргузории он иттилоъ медиҳад, озмун бо мақсади тақвият бахшидан ба рушди соҳибкорӣ, муаррифии молу маҳсулоти дар Тоҷикистон истеҳсолшаванда ва афзун намудани иқтидори содиротии мамлакат бахшида ба Соли рушди сайёҳӣ ва ҳунарҳои мардумӣ аз ҷониби Агентии «Тоҷикистандарт» ва дастгирии Ҳукумати Ҷумҳурии Тоҷикистон баргузор карда мешавад.
Дар озмуни мазкур Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода ва намояндагони дигар вазорату идораҳои ҷумҳурӣ иштирок намуда, аз маҳсулоти ба намоишгузоштаи корхонаҳое, ки ба даври хотимавӣ роҳ ёфтаанд, дидан намуданд.
Ёдовар мешавем, ки дар озмун 484 субъекти хоҷагидор фаъолона ширкат варзиданд, ки аз ин шумора 88 – тои он ба даври финалӣ роҳ ёфта, имрӯз маҳсулоти истеҳсолии худро ба намоиш гузоштанд.
Мавриди зикр аст, ки озмун аз соли 2008 инҷониб дар 2 сол як маротиба гузаронида мешавад.
Гузориши муфассал аз ҷараёни ҷамъбасти Озмуни ҷумҳуриявии «Маҳсулот ва хизматрасонии беҳтарин дар Ҷумҳурии Тоҷикистон- 2018» дар сомонаи АМИТ «Ховар» пешниҳод мешавад.
Ташаккули сиёсати зиддикоррупсионии Ҳукумати Ҷумҳурии Тоҷикистон дар даврони истиқлоли давлатӣ баррасӣ гардид
Агентии инноватсия ва технологияҳои рақамӣ ва Бонки рушди Авруосиё санади ҳамкорӣ ба имзо расониданд
«РАҚАМИКУНОНИИ МИНТАҚАҲОИ ОЗОДИ ИҚТИСОДӢ». Дар форуми байналмилалӣ 12 санади ҳамкорӣ имзо шуд
Дар Тоҷикистон нахустин коргоҳи истеҳсоли ранги хокавӣ барои хатҳои уфуқии роҳҳои мошингард ба истифода дода шуд
Дар шаш моҳи соли 2026 ҳаҷми гардиши савдо байни Тоҷикистон ва Озарбойҷон ба 10,2 миллион доллар расид
Тоҷикистон 85 фоизи аҳолиро бо маҳсулоти ғизоии ватанӣ таъмин мекунад
Аъзои ҳайати Фландрияи Подшоҳии Белгия бо фаъолияти «Шаҳри ҳушманд» шинос гардиданд
Тоҷикистон ва ЮНИСЕФ ҳамкориро дар самти рушди сармояи инсонӣ ва рақамикунонӣ густариш медиҳанд
Агентии «Тоҷикстандарт» дар шаҳри Душанбе 110 кг маҳсулоти гуногуни ҳасибии пастсифат ва ғайристандартиро ошкор намуд
Тақвияти ҳамкорӣ дар соҳаи ҳифзи муҳити зист байни Тоҷикистон ва Муғулистон баррасӣ гардид
Пиряхҳоро аз обшавӣ бояд ҳифз намуд, — бардошт аз конфронси байналмилалии илмӣ-амалӣ дар Душанбе
Содироти маҳсулоти Тоҷикистон ба Чин баррасӣ шуд
