Миёни Ҷумҳурии Тоҷикистон ва Ҷумҳурии Бурунди муносиботи дипломатӣ барқарор карда шуд
ДУШАНБЕ, 19.10.2018 /АМИТ «Ховар»/. 18 октябри соли 2018 дар шаҳри Ню-Йорки ИМА маросими ба имзо расонидани Баёнияи муштарак оид ба барқарор намудани муносибатҳои дипломатӣ байни Ҷумҳурии Тоҷикистон ва Ҷумҳурии Бурунди баргузор гардид. Дар ин бора ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд.
Гуфта мешавад, ки баёнияи муштаракро дар ин хусус аз ҷониби Тоҷикистон Намояндаи доимии Ҷумҳурии Тоҷикистон дар СММ Маҳмадамин Маҳмадаминов ва аз ҷониби Бурунди Намояндаи доимии он кишвар дар СММ Алберт Шингиро ба имзо расониданд.
Мавриди зикр аст, ки Ҷумҳурии Бурунди давлати хурде дар Африқои Марказист, ки аҳолии он тақрибан 10 миллион нафар аст. Он дорои захираҳои калони тилло ва дигар маъданҳо мебошад. Бурунди чун давлати мустақил аз асри XVII то охири асри XIX арзи вуҷуд карда, сипас мустамликаи Германия ва пас аз ҷанги якуми ҷаҳон мустамликаи Белгия мегардад. 1 июли соли 1962 Бурунди ҷумҳурии мустақил эълон карда шуд.
Пойтахти Бурунди шаҳри Бужумбура-маркази асосии саноатию нақлиётӣ ва маъмурию фарҳангии кишвар мебошад. Шаҳр дар соҳилҳои шимолу шарқии кӯли Танганика ҷойгир аст. Пойтахти ин давлат дар ҷойи деҳаи хурди моҳигирӣ бунёд шуда, ҳоло дар инҷо қароргоҳи президент, идораҳои ҳукуматӣ, бонкҳо, калисоҳо ва масҷидҳо мустақаранд. Шаҳри Бужумбура чун «бандари қаҳвагӣ» низ маъруф аст, зеро қаҳва маҳсулоти асосии содиротии ин кишвар мебошад. Бандари Бужумбура яке аз бандарҳои калонтарин дар Африқо аст.
Ҷаласаи навбатии Шурои ҷамъиятии назди Сафорати Тоҷикистон дар Русия баргузор гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
Сарвазири Тоҷикистон бо муовини Вазири корҳои хориҷии Салтанати Умон мулоқот намуд
Сафири Тоҷикистон дар Туркманистон бо директори Дафтари лоиҳавии Маркази минтақавии экологӣ барои Осиёи Марказӣ мулоқот намуд
Дар Теҳрон таҳти унвони «Робиаи Балхӣ: чеҳраи дурахшони назми аҳди Сомониён» ҳамоиши илмӣ доир гардид
Ҳайати Тоҷикистон дар Ҳафтаи ҷаҳонии оби Стокголм иштирок намуд
Сафири Тоҷикистон бо ноиби Президенти Корпоратсияи байналмилалии молиявии рушди Амрико мулоқот намуд
Дар Қоҳира бахшида ба 35-солагии Истиқлоли давлатии Тоҷикистон конфронс баргузор гардид
Сафири Тоҷикистон бо муовини Директори генералии Вазорати федералии иқтисод ва энергетикаи Олмон мулоқот намуд
Дар Москва дар мавзуи саҳми Абуалӣ ибни Сино дар ташаккули соҳаи тиб конфронси байналмилалии илмӣ доир шуд
Тоҷикистон ва Кувайт таҳкими ҳамкориро дар арсаи рушд баррасӣ намуданд
Дар Душанбе таҳти унвони «Тоҷикистон ва 35 соли соҳибистиқлолӣ: таҷрибаи сулҳофарӣ, сиёсати бисёрсамта ва рушди устувор» конфронси байналмилалӣ баргузор шуд
