Ширкатҳои Тоҷикистон дар Намоишгоҳи байналмилалии озуқаворӣ дар Париж меваҳои шаҳдбори мамлакатро ба намоиш гузоштанд
ДУШАНБЕ, 26.10.2018 /АМИТ «Ховар»/. Аз 21 то 25 октябри соли равон бо дастгирии Вазорати кишоварзӣ ва Палатаи савдо ва саноати Франсия дар шаҳри Парижи Ҷумҳурии Франсия бузургтарин Намоишгоҳи байналмилалии озуқаворӣ дар толори SIAL (Salon International de l’alimentation) баргузор гардид.
Тавре аз Вазорати корҳои хориҷии Ҷумҳурии Тоҷикистон ба АМИТ «Ховар» хабар доданд, дар Намоишгоҳ бори аввал намояндагони ширкатҳои истеҳсолии Тоҷикистон, аз ҷумла « ECO Fruit Isfara», «ORO Isfara» ва «Apricot & Company», ки дар самти коркард ва басту банди меваҳои тару хушкмеваҳо фаъолият доранд, ҷиҳати муаррифии маҳсулоти озуқаворӣ иштирок карданд.
Бояд зикр намуд, ки Намоишгоҳи байналмилалии озуқаворӣ бо навбат як сол дар шаҳри Парижи Ҷумҳурии Франсия ва соли дигар дар шаҳри Кёлни Ҷумҳурии Федеративии Германия гузаронида мешавад. Ин намоишгоҳ бори аввал соли 1964 дар Париж баргузор гардида буд.
Имсол дар Намоишгоҳи мазкур беш аз 14 800 ширкат аз 109 давлати дунё иштирок намуда, маҳсулоти кишварҳои худро ба тамошо гузоштанд.
Баргузории чунин намоишгоҳҳо барои рушди тиҷорати байналмилалӣ ва минтақавӣ имконияти васеъ фароҳам меорад.
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
