Зебосанам аз Тоҷикистон ғолиби озмуни «Face of Central Asia-2019» гардид
ДУШАНБЕ, 26.10.2018 /АМИТ «Ховар»/. Валерия Мороз – зебосанам аз Тоҷикистон дар озмуни байналмилалии «Чеҳраи Осиёи Миёна – 2019» («Face of Central Asia-2019»), ки 26 октябр дар Душанбе баргузор шуд, ғолиб гардид. Мақоми дуюму сеюм мутаносибан насиби Екатерина Руденко ва Камран Илесев аз Қирғизистон шуд.
Фотима Маҳмадалиева, намоянда ва ташкилкунандаи асосии озмуни «Face of Central Asia-2019» ба АМИТ «Ховар» иттилоъ дод, ки озмун дар меҳмонхонаи «Ҳайят Реҷенсӣ» доир гардид ва дар он аз давлатҳои Тоҷикистон, Қазоқистон, Қирғизистон ва Ӯзбекистон намояндагон ё муаррифони либосҳо (модел) иштирок доштанд. Онҳо либосҳои омоданамудаи тарроҳон аз кишварҳои Осиёи Миёна ва Кореяи Ҷанубиро муаррифӣ намуданд.
«Аъзои ҳакамон аз 15 нафар иборат буда, 4 нафари онҳо аз Кореяи Ҷанубӣ мебошанд. Ғолибони ин озмун имкони иштирок дар Фестивали моделҳои Осиёро ба даст меоранд, ки соли оянда дар Кореяи Ҷанубӣ баргузор мегардад».-гуфт Фотима Маҳмадалиева.
Мақсади асосии ташкили озмуни мазкур намоиши фарҳанги халқҳои Осиёи Миёна, аз ҷумла либосҳои миллӣ ва зебоии табиии сокинони ин минтақа арзёбӣ мешавад.
Озмуни мазкур ҳамасола баргузор карда шуда, он имсол бо дастгирии Мақомоти иҷроияи ҳокимияти давлатии шаҳри Душанбе дар сатҳи баланд ташкил ва гузаронида шуд.
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
