АНОРИ КАЛОНИ «КАРОН»! Боғдорони Дарвоз парвариши навъи анореро ба роҳ монданд, ки вазни ҳар донааш як килограмм аст
ХОРУҒ, 20.11.2018 /АМИТ «Ховар»/. Сокини деҳаи Рузвайи ноҳияи Дарвоз Раҳмиддин Наҷмиддинов зиёда аз 20 сол аст, ки ба парвариши дарахтони ситрусӣ машғул буда, аз ҳисоби пайвандкунӣ пайваста ба бозор навъҳои нави анор ворид мекунад. Тирамоҳи имсол ин боғпарвари соҳибтаҷриба боз як намудаи дигари анорро ба бозор баровард, ки вазни як донааш то ба як килограмм мерасад. Шарҳи хабарнигори минтақавии АМИТ “Ховар” Файз МИРАСАН.
Ба гуфтаи ин боғбон, аксарияти меваҳо ба ҷуз таъми ширину бомазза, ҳамчунин ҳар намудашон хусусиятҳои хоси шифобахшӣ доранд. Аз ин рӯ дар бозор харидорони зиёд пайдо мекунанд. Навъи нави анори «Карон» барои бемороне, ки дарди гурда ё санги гурда доранд, хеле фоидовар мебошад. Анори «Хотунӣ» ҳам, ки бештар ба бемориҳои фишорбаландию қанд даво мебахшад, талабгорони зиёд дорад.
Номбурда мегӯяд, ки «солҳои пеш дар ин як- якуним гектар замин сабзавот кишт мекардам, аммо аз фурӯши он фоидаи кам ба даст меомад. Баъдан бо тавсияи мутахассисони соҳаи кишоварзӣ ин қитъаи заминро ба боғ табдил додам ва дар баробари дигар намудҳо зиёда аз 100 бех ниҳолҳои анор шинондам. Ҳоло танҳо аз фурӯши меваи 5 ё 6 тан дарахти анор эҳтиёҷоти солонаи оилаи худро бо орд таъмин мекунам».
Ноҳияи Дарвоз дар Вилояти Мухтори Кӯҳистони Бадахшон ягона ноҳияест, ки иқлимаш ба парвариши меваҳои субтропикӣ мутобиқ аст ва сокинони ин ноҳия дар ҳамкорӣ бо олимони Институти биологии Помир солҳо боз ба парвариши дарахтони лимӯ, анору анҷир ва хурмо машғул мебошанд.
Дар Тоҷикистон дар 9 моҳ 6,3 ҳазор тонна макарон истеҳсол шудааст
Ниҳодҳои муқовимат ба коррупсияи Тоҷикистон ва Узбекистон барои солҳои 2024-2025 нақшаи чорабиниҳо ба имзо расониданд
Вазорати кишоварзӣ: Дар Тоҷикистон беш аз 804 ҳазор тонна картошка ҷамъоварӣ шуд
Дар вилояти Суғд Фестивал-намоиш ва фурӯши чорвои зотӣ баргузор мегардад
Дар Муъминобод коргоҳи истеҳсоли маҳсулоти ширӣ ба фаъолият оғоз намуд
Дар Хадамоти гумрук Рӯзи Конститутсияи Тоҷикистон- бахтномаи миллатро бо шукуҳи хосса таҷлил намуданд
Дар Агентии назорати давлатии молиявӣ ва мубориза бо коррупсия бахшида ба Рӯзи Конститутсия ҷаласа баргузор гардид
Ба ифтихори Рӯзи Конститутсияи Тоҷикистон дар Вазорати рушди иқтисод ва савдо маҷлиси тантанавӣ гузаронида шуд
«ОСОРХОНА ДАР ФАЗОИ КУШОД». Дар нуҳ моҳ 10 ҳазору 495 сайёҳ ба тамошои ёдгориҳои таърихиву фарҳангии шаҳри Истаравшан омадаанд
«РОҒУН – ОБИГАРМ – НУРОБОД». Бунёди ин роҳ ба боз ҳам беҳтар гардидани сатҳи некӯаҳволии мардум ва рушди сайёҳию робитаи нақлиётӣ мусоидат менамояд
«Конститутсия ҳуҷҷати таърихие аст, ки асосҳои сохтори давлатро аз ҷиҳати сиёсӣ, иқтисодӣ ва иҷтимоӣ муайян намуд», — бардошт аз маҷлис дар Кумитаи ҳифзи муҳити зист
Дар Форуми иқтисодию тиҷоратии Тоҷикистон ва ноҳияи Мухтори Синзян-Уйғури Чин 25 санади ҳамкорӣ ба имзо расид
