Дар Душанбе ҷаласаи 75 -уми Комиссияи байнидавлатии ҳамоҳангсозии хоҷагии оби кишварҳои Осиёи Марказӣ баргузор гардид
ДУШАНБЕ, 27.11.2018 /АМИТ «Ховар»/. Имрӯз дар шаҳри Душанбе ҷаласаи 75 -уми Комиссияи байнидавлатии ҳамоҳангсозии хоҷагии оби кишварҳои Осиёи Марказӣ баргузор гардид.
Тавре мухбири АМИТ «Ховар» иттилоъ медиҳад, дар ҷаласаи мазкур намояндагони салоҳиятдори мақомоти марбут ба соҳаи оби давлатҳои ҳавзаи Осиёи Марказӣ –Тоҷикистон, Ӯзбекистон, Қазоқистон ва Туркманистон иштирок намуданд.
Ҷаласаро муовини аввали Вазири энергетика ва захираҳои оби Ҷумҳурии Тоҷикистон Султон Раҳимзода ифтитоҳ намуда, гуфт: «Имрӯз дар ҷаласа масъалаи истифодаи меъёрҳои тасдиқгардидаи обгирӣ аз ҳавзаҳои дарёҳои Сир ва Аму дар мавсими обёрии соли 2018 ва силсилаобанборҳо дар ин давра баррасӣ мегарданд».
Зикр шуд, ки иштирокдорони ҷаласа масъалаҳои тасдиқи меъёри обгирӣ аз ҳавзаҳои дарёҳои Сир ва Аму дар давраи байнинашъунамои солҳои 2018-2019, иштироки аъзо ва сохтори иҷроияи Комиссияи байнидавлатии ҳамоҳангсозии хоҷагии оби Осиёи Марказӣ дар омодасозии Барномаи амал барои кумак ба кишварҳои ҳавзаи баҳри Арал ва дигар мавзуъҳои марбут ба онро баррасӣ мекунанд.
Бояд тазаккур дод, ки Комиссияи байнидавлатии ҳамоҳангсозии хоҷагии оби Осиёи Марказӣ соли 1992 аз ҷониби ҳукуматҳои кишварҳои Осиёи Марказӣ бо мақсади тақвияти ҳамкорӣ дар самти истифодаи захираҳои обии ҳавзаи дарёҳои Сир ва Аму созмон дода шудааст.
Дар як сол дар мамлакатҳои гуногуни Осиёи Марказӣ чор маротиба ҷаласаҳои ин Комиссия гузаронида мешаванд.
Ёдовар мешавем, ки пагоҳ, 28 ноябр аз ҷониби аъзои Комиссияи байнидавлатии ҳамоҳангсозии хоҷагии оби Осиёи Марказӣ протоколи ҷаласа ба имзо мерасад.
Сафири Тоҷикистон бо раиси Палатаи савдо ва саноати Салтанати Умон мулоқот намуд
Ҳамкории Тоҷикистон ва Эрон дар соҳаи илму фарҳанг баррасӣ шуд
Дар Берлин консерти ансамбли «Моҳирон» дар доираи фестивали байналмилалии Young Euro Classic баргузор гардид
Ҳамкории Тоҷикистону Кувайт дар соҳаи ҳуқуқи инсон баррасӣ шуд
Дар Кувайт ҳамкорӣ ва ҳамоҳангсозӣ дар самти консулӣ байни Тоҷикистон ва Давлати Кувайт баррасӣ гардид
Дар Вена масъалаҳои таҳкими ҳамкории илмӣ-фарҳангии Тоҷикистон ва Австрия баррасӣ гардиданд
Сироҷиддин Муҳриддин бо ҳамоҳангсози доимии СММ дар Тоҷикистон мулоқот намуд
Дар Анқара машваратҳои сиёсӣ байни вазоратҳои корҳои хориҷии Тоҷикистон ва Туркия баргузор шуданд
Масоили ҳамкорӣ дар соҳаи моликияти зеҳнӣ байни Тоҷикистон ва Корея баррасӣ гардид
Дар Теҳрон ҳамкории дуҷониба байни Тоҷикистон ва Эрон баррасӣ шуд
Сафири Тоҷикистон бо Вазири давлатии вазорати федералии корҳои хориҷии Олмон оид ба корҳои Аврупо мулоқот намуд
Ҳайати Ҷумҳурии Тоҷикистон бо иқтидори саноатии вилояти Брест шинос гардид
