Дар Душанбе Конгресси миллии шахсони дорои имкониятҳои маҳдуд баргузор мегардад
ДУШАНБЕ, 30.11.2018. /АМИТ «Ховар»/. Аз 3 то 5 декабри соли равон дар шаҳри Душанбе бахшида ба Рӯзи байналмилалии шахсони дорои имкониятҳои маҳдуд, ки ҳамасола 3 декабр дар тамоми ҷаҳон ҷашн гирифта мешавад, Конгресси миллии шахсони маъюби Тоҷикистон баргузор мегардад.
Тавре ба мухбири АМИТ «Ховар» аз Иттиҳодияи миллии маъюбони Тоҷикистон хабар доданд, ҳамоиши мазкур тӯли се рӯз бо дастгирии Ҳукумати Ҷумҳурии Тоҷикистон ва шарикони рушд дар Маркази исмоилия баргузор гардида, дар кори он аз тамоми манотиқи Ҷумҳурии Тоҷикистон ва кишварҳои ҳамсоя шахсони маъюб ҷамъ омада, дастовардҳои намоёни худро муаррифӣ мекунанд. Ҳамчунин дар кори конгресс як зумра масъалаҳои вобаста ба шахсони маъюб баррасӣ мегарданд.
Бино ба иттилои манбаъ, инчунин дар чаҳорчӯби Конгресс байни духтарони маъюб аз вилоятҳои Суғд, Хатлон, Бадахшон ва ноҳияҳои тобеи марказ озмуни «Бонуи мустақил – 2018» гузаронида мешавад. Озмуни мазкур бо мақсади баланд бардоштани сатҳи иҷимоии занон дар ҷомеа ва пешгирии хушунат нисбат ба онҳо доир мегардад.
Зикр карда шуд, ки дар доираи Конгресс бахшида ба Соли рушди сайёҳӣ ва ҳунарҳои мардумӣ намоишгоҳи ҳунарҳои дастии миллие, ки аз тарафи шахсони маъюб тайёр шудаанд, гузаронида мешавад.
Дар шаҳри Душанбе ҷашни Меҳргон таҷлил мегардад
Имрӯз дар ноҳияҳои кӯҳии Тоҷикистон ҳаво то 25 дараҷа гарм мешавад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
