Дар Душанбе оид ба идоракунии давлатӣ ва хизмати давлатӣ дар замони муосир конференсияи илмию амалии байналмилалӣ баргузор гардид
ДУШАНБЕ, 13.11.2018 /АМИТ «Ховар»/. «Идоракунии давлатӣ ва хизмати давлатӣ: ҳолат ва дурнамо»- таҳти ин унвон дар Донишкадаи идоракунии давлатии назди Президенти Ҷумҳурии Тоҷикистон конференсияи илмию амалии байналмилалӣ баргузор шуд.
Тавре аз донишкадаи мазкур ба АМИТ «Ховар» хабар доданд, дар кори конференсия зиёда аз 80 нафар олимон, муҳаққиқон аз дохил ва хориҷи кишвар мақолаҳои илмии худро пешниҳод намуданд.
Мавриди зикр аст, ки дар кори конференсия аз давлатҳои аъзои ИДМ, аз ҷумла 7 нафар намояндагони Академияи хоҷагии халқ ва хизмати давлатии назди Президенти Федератсияи Россия, 1 нафар намояндаи Академияи идоракунии назди Президенти Ҷумҳурии Қазоқистон, 2 нафар намояндаи Академияи идоракунии назди Президенти Ҷумҳурии Қирғизистон иштирок намуда, вобаста ба таҷрибаи кишвари худ дар самти хизмати давлатӣ ва идоракунии давлатӣ маълумот пешниҳод намуданд.
Ҳамзамон дар кори конференсия намояндагони Дастгоҳи иҷроияи Президенти Ҷумҳурии Тоҷикистон ва дигар мақомоти ҳокимияти давлатӣ сухан гуфтанд.
Дар доираи конференсия аз тарафи мутахассисони хориҷи кишвар дарсҳои омӯзишӣ гузаронида шуданд, ки барои табодули таҷриба ва баланд бардоштани маҳорати кордонӣ ва корбарии хизматчиёни давлатӣ мусоидат менамоянд.
Имрӯз дар шаҳри Душанбе ҳавои тағйирёбанда пешгӯӣ мешавад
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
