Германия барои самтҳои афзалиятноки тандурустӣ, бахшҳои молия, энергетика, таълимоти касбӣ ва рушди инноватсионии Тоҷикистон 27 млн. евро ҷудо менамояд
ДУШАНБЕ, 21.11.2018 /АМИТ «Ховар»/. Ҳукумати Германия барои самтҳои афзалиятноки тандурустӣ, бахшҳои молия, энергетика, таълимоти касбӣ ва рушди инноватсионии Ҷумҳурии Тоҷикистон 27 млн. евро ҷудо менамояд. Ин матлабро сардори шуъбаи «Осиёи Марказӣ, Осиёи Шарқӣ, Лаос ва Камбоҷаи Вазорати федералии ҳамкории иқтисодӣ ва рушд (BMZ) Катрин Оллерс зимни баргузории гуфтушуниди байниҳукуматии Ҷумҳурии Тоҷикистон ва Ҷумҳурии Федеративии Германия, ки имрӯз дар Вазорати рушди иқтисод ва савдои Ҷумҳурии Тоҷикистон доир гардид, ба хабарнигори АМИТ «Ховар» иброз намуд.
Гуфтушуниди байниҳукуматӣ бо ширкати намояндагони Ҳукумати Ҷумҳурии Тоҷикистон ва Ҳукумати Германия ҳамчунин бо мақсади рушди муносибатҳо байни ду кишвар, баррасии муштараки ҳамкории ҷорӣ ва омодакунии гуфтушунидҳои байниҳукуматӣ оид ба ҳамкорӣ барои солҳои 2019-2020, ки баргузории он соли 2019 пешбинӣ мегардад, доир шуд.
Ҳайати Тоҷикистонро муовини Вазири рушди иқтисод ва савдои Ҷумҳурии Тоҷикистон Тоҷиддин Ҷӯразода ва ҷониби Германияро сардори шуъбаи «Осиёи Марказӣ, Осиёи Шарқӣ, Лаос ва Камбоҷаи Вазорати федералии ҳамкории иқтисодӣ ва рушд (BMZ) Катрин Оллерс роҳбарӣ карданд.
Дар ҷараёни машварат масъалаҳои вобаста ба лоиҳаҳои татбиқшаванда, ки аз ҷониби Ҳукумати Германия маблағгузорӣ мешаванд, аз ҷумла, таъмир ва таҷдиди дармонгоҳҳои бемориҳои сил ва сохтмони дармонгоҳи кӯдаконаи бемории сил дар Мачитон, беҳтаркунии хизматрасонии тиббӣ ба занони ҳомила ва кӯдакони навзод, беҳтар намудани сифати ёрии таъҷилии тиббӣ, сохтмони мактабҳои нав дар вилояти Хатлон ва ноҳияи Рашт, ҳамчунин барқарор намудани инфрасохтори коммуналӣ баррасӣ гардиданд.
Аз рӯи натиҷаҳои машварат санади дахлдор ба имзо расонида шуд.
Мавриди зикр аст, ки яке аз натиҷаҳои бобарори гуфтушунидҳо- ин ба мувофиқа омадани ҷонибҳо дар самти энергетика, аз ҷумла татбиқи лоиҳаи НБО «Себзор» мебошад, ки дар амалӣ гардидани он қаблан ҷониби Германия омодагии худро барои иштирок иброз намуда буд.
Дар Душанбе Намоишгоҳи байналмилалии «Нақлиёт ва логистикаи Созмони ҳамкории Шанхай» доир мешавад
ҒИЗОИ СОЛИМ. Хушкмеваҳои Тоҷикистон манбаи бойи витаминҳо, минералҳо, антиоксидантҳо ва нахҳои хӯрокворӣ мебошанд
ОМОДАГӢ БА ЗИМИСТОНГУЗАРОНӢ. Дар Тоҷикистон захиранамоии хӯроки чорво идома дорад
Кишоварзони Тоҷикистон беш аз 614 ҳазор тонна гандум ҷамъоварӣ намуданд
Дар ноҳияи Вахш ҷамъоварии ангур идома дорад
Дар вилояти Суғд беш аз 1300 корхонаи саноатӣ фаъолият менамоянд
Раванди татбиқи лоиҳаи «Сохтмони лӯлаи газгузари Тоҷикистон-Чин, қисмати Д» баррасӣ гардид
БАРНОМАИ РУШДИ ПАРВАРИШИ ПАВЛОВНИЯ. Дар 72,5 гектар плантатсияҳои дарахти павловния бунёд карда шуданд
Дар хоҷагиҳои пахтакори ноҳияи Рӯдакӣ ҷамъоварии пахта оғоз гардид
Муовини Сарвазири Тоҷикистон бо корҳои кишоварзӣ дар шаҳри Ҳисор шинос шуд
Дар ноҳияҳои вилояти Хатлон ҷамъоварӣ ва коркарди пахта идома дорад
Бо иштироки муовини Сарвазири Тоҷикистон дар Шаҳринав ҷамъоварии пахта оғоз гардид
