Ғолибони Ҷоми вилояти Суғд оид ба футзал муайян гардиданд

ДУШАНБЕ, 27.11.2018 /АМИТ «Ховар»/.  Аз 2 то 26 ноябр дар Қасри варзиши шаҳри Хуҷанд Мусобиқа оид ба футзал барои дарёфти Ҷоми вилояти Суғд бо иштироки 12 даста доир гардид.

Тавре аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба мухбири АМИТ «Ховар» хабар доданд, дар мусобиқаи мазкур  дастаи футзали «Рахш» дар бозии ниҳоӣ дастаи футзали  «Парламент»-ро бо ҳисоби 4:2  мағлуб намуда,  соҳиби Ҷоми вилоят гардид.

Ёдовар мешавем, ки дар анҷоми мусобиқа ба ғолибон ва беҳтаринҳо туҳфаҳои хотиравӣ тақдим гардиданд.