ТАҚВИМИ АМИТ «ХОВАР»: имрӯз 4 ноябр, якшанбе, 308-умин рӯзи соли 2018 аст

8 сол қабл,  4 ноябри соли 2010 дар шаҳри Душанбе Сарвари давлат муҳтарам Эмомалӣ Раҳмон дар конфронси илмию амалии байналмилалии «Мақомоти назорати конститутсионӣ дар шароити ҳамгироии системаҳои ҳуқуқӣ: таҷрибаи байналмилалӣ ва амалияи Тоҷикистон» суханронӣ намуданд.

***

Дар ин рӯзи соли 2016 дар Театри давлатии академии опера ва балети ба номи С. Айнӣ намоиши операи «Комде ва Мадан» баргузор гардид.

4 НОЯБР ТАҶЛИЛ КАРДА МЕШАВАД:

Дар Украина — Рӯзи кормандони роҳи оҳан.

***

Дар Арманистон – Рӯзи кормандони иҷтимоӣ.

РӮЙДОДҲО:

4 ноябри соли 2014 Президенти кишвар муҳтарам Эмомалӣ Раҳмон бо ҷараёни корҳои ободонию созандагӣ дар шаҳри Душанбе бевосита шинос шуда, чанд бинои нави истиқоматӣ ва иншооти дигарро мавриди баҳрабардорӣ қарор доданд.

***

4 ноябри соли 2009 Барномаи ҳамкорӣ миёни Ҳукумати Ҷумҳурии Тоҷикистон ва Ҳукумати Полша дар соҳаҳои фарҳанг, илм, таҳсилоти олӣ ва маданӣ ба имзо расид.

***

119 сол пеш 4 ноябри соли 1899 китоби машҳури Зигмун Фрейд «Таъбири хоб» нашр шуд

***

4 ноябри соли 1967 манораи телевизионии «Останкино» мавриди баҳрабардорӣ қарор дода шуд.

***

Дар ин рӯзи соли 1977  СММ таҳвили силоҳро дар Африқои Ҷанубӣ қатъиян манъ кард.

***

4 ноябри соли 1981 Осорхонаи марказии Вазорати корҳои дохилии собиқ Иттиҳоди Шӯравӣ ифтитоҳ гардид.

ИНЧУНИН ДАР ИН РӮЗ…

Соли 2017 Чемпиони  Тоҷикистон -дастаи «Истиқлол»-и Душанбе дар бозии финалии Ҷоми Конфедератсияи футболи Осиё-2017 бо дастаи «Эйр Форс»-и Ироқ  бозӣ анҷом дода, бо соҳиб шудан ба ҷои дуюм  500 ҳазор доллари амрикоӣ ба даст овард.

***

Соли 1862 ихтироъкори америкоӣ Р. Гатлинг «Оташи тез» (пулемёт) ихтироъ кард.

Тақвими моро дар ин гӯша

шореҳ Шукӯҳи ДАЛЕР варақ мезанад