ГРАФОЛОГИЯ: ҲУСНИ ХАТ ЧИРО МЕФАҲМОНАД? Дар ноҳияи Шаҳринав Озмуни ҷумҳуриявии «Беҳтарин ҳусни хат» доир гардид
ШАҲРИНАВ, 12.12.2018 /АМИТ «Ховар»/. Ба ифтихори Соли рушди сайёҳӣ ва ҳунарҳои мардумӣ дар толори Сабти асноди ҳолати шаҳрвандии ноҳияи Шаҳринав бо иштироки мутахассисони САҲШ аз шаҳри Душанбею ноҳияҳои тобеи марказ ва фаъолону кормандони ҷамоатҳои шаҳраку деҳоти ноҳия Озмуни ҷумҳуриявии фарҳангӣ-маърифатии «Беҳтарин ҳусни хат» баргузор гардид. Дар ин бора мудири бахши САҲШ-и ноҳияи Шаҳринав Зарина Исматова ба хабарнигори АМИТ «Ховар» иттилоъ дод.
Зарина Исматова иброз намуд, ки «аҷдодони мо аз гузашта ба ҳусни хат таваҷҷуҳи хосса зоҳир намуда, ин амалро ҳамчун анъана то ба мо расонидаанд. Он замонҳо дорандаи беҳтарин ҳусни хат китобҳо менавишту дар деворҳои аркҳо бо ҳусни хати худ шиорҳо сабт мекард. Равоншиносон аз рӯи ҳусни хат ғоибона табиати инсонро муайян менамуданд, ки ин илмро графология меноманд. Имрӯзҳо гарчанде, ки технология тараққӣ кардааст, шаҳодатномаи таваллуд, никоҳ, диплом, аттестат ва дигар намуди ҳуҷҷатҳо бо дастхат навишта мешаванд. Албатта, барои пур кардани чунин ҳуҷҷатҳои махсус дорандаи беҳтарин ҳусни хат интихоб мегардад. Барои ин амал пайваста озмунҳо баргузор мегарданд».
Дар озмун инчунин ҳунарҳои мардумӣ ва маҳсули дасти ҳунармандони ноҳия ба намоиш гузошта шуданд, ки аз ҷониби меҳмонон хуш қабул гардиданд. Кормандони бахш ва котибони ҳафт ҷамоат бо навиштани шаҳодатномаҳо ҳусни хати худро ба озмун пешниҳод намуда, беҳтаринҳо соҳиби ифтихорнома гардиданд. Дар ин озмун ба модарони 10 тифли навзод шаҳодатномаҳои таваллуд ва туҳфаҳои хотиравӣ тақдим гардиданд.
Ёдовар мешавем, ки лоиҳаи озмун аз ҷониби Раёсати асноди ҳолати шаҳрвандии Вазорати адлияи Ҷумҳурии Тоҷикистон бахшида ба Соли рушди сайёҳӣ ва ҳунарҳои мардумӣ тарҳрезӣ шуда, он дар тамоми ноҳияҳо доир гардида истодааст.
НИШАСТИ МАТБУОТӢ. Имсол Донишкадаи давлатии санъати тасвирӣ ва дизайни Тоҷикистонро 228 нафар хатм намуданд
«ТОҶИКИСТОН — КИШВАРИ ЁДГОРИҲОИ НОДИР». Дар Италия намоиши шоҳкорҳои беназири мероси таърихию фарҳангии Тоҷикистон доир мегардад
Дар Душанбе рӯзҳои фарҳанги шаҳри Роғун, ноҳияҳои Шамсиддин Шоҳин, Тоҷикобод, Нуробод, Муъминобод ва Варзоб баргузор мегарданд
Роҳбарияти Осорхонаи миллии Тоҷикистон бо ҳафриёти бостоншиносӣ дар ёдгории бостонии Сайёд шинос шуд
РИОЯИ ФАРҲАНГИ МИЛЛӢ. Дар Донишкадаи давлатии фарҳанг ва санъати Тоҷикистон барои блогерон даври омӯзишӣ гузаронида мешавад
Ҳамкории Донишгоҳи байналмилалии сайёҳӣ ва соҳибкории Тоҷикистон бо муассисаҳои пешрафтаи Чину Ҷопон тақвият меёбад
Аз ноҳияи Темурмалик ёдгориҳои нодири мансуб ба асри биринҷ ва давраи Кушониён бозёфт гардиданд
Китоби «Дар ҳавои Мавлоно»-и Раҳмоналӣ Мирализода рӯнамоӣ гардид
Кормандони мақомоти шаҳри Душанбе бо имконияти сайёҳӣ ва инфрасохтори энергетикии шаҳри Норак шинос шуданд
Дар Душанбе Рӯзи фарҳанги ноҳияи Дарвоз баргузор гардид
Рӯзи фарҳанги ноҳияи Балҷувон шукуҳманд таҷлил карда шуд
