ОБУ ҲАВО: имрӯз дар Тоҷикистон ҳавои тағйирёбандаи бебориш дар назар аст

ДУШАНБЕ, 22.12.2018. /АМИТ «Ховар»/. Имрӯз дар ҷумҳурӣ ҳавои   тағйирёбандаи бебориш дар назар аст.  Дар ин бора аз Агентии обуҳавошиносии Тоҷикистон ба мухбири АМИТ «Ховар» иттилоъ доданд.

Ба иттилои манбаъ, имрӯз дар Вилояти Мухтори Кӯҳистони Бадахшон ҳавои тағйирёбанда шуда, шамол аз самти шарқ 2-7 метр дар  як сония мевазад. Ҳаво дар ғарби вилоят шабона 1-6 дараҷа сард,   рӯзона  0-5 дараҷа гарм мешавад. Дар  шарқи ин вилоят шабона 16-21  ва рӯзона 4-9 дараҷа сард  мешавад.

Дар вилояти Суғд  ҳавои  тағйирёбанда шуда, дар баъзе ноҳияҳо  боридани борону барф ва фаромадани туман   дар назар аст.   Ҳаво дар водиҳо шабона 5-10 ва рӯзона  -3+2  дараҷа сард мешавад.

Дар вилояти Хатлон ҳавои  тағйирёбанда  шуда,  фаромадани туман  дар назар аст.  Ҳаво дар водиҳо шабона 0-5 ва рӯзона 7-12   дараҷа гарм хоҳад шуд.

Дар шаҳру ноҳияҳои тобеи марказ ҳавои тағйирёбанда  шуда, туман мефарояд. Ҳарорат шабона ба -1+4 ва рӯзона  ба  7+12  дараҷа мерасад.

Дар шаҳри Душанбе ҳавои абрноки тағйирёбанда шуда,    шабона    1-3 ва рӯзона   9-11  дараҷа гарм мешавад.