Чемпионати Осиё: дастаи мунтахаби Баҳрайн дар даври охир ғолиб гардид

Январь 15, 2019 13:32

ДУШАНБЕ, 15.01.2018. /АМИТ «Ховар»/. Дастаи мунтахаби Баҳрайн дар бозии ҷамъбастии гурӯҳи «А» дастаи мунтахаби Ҳиндустонро бо натиҷаи 1:0 мағлуб намуда, масъалаи ба даври минбаъда баромаданро ҳал кард. Ин дар ҳоле рух дод, ки то дақиқаи 90-уми вохӯрӣ ҳисоб баробар буд. Аловиддин БӮРИЕВ   шарҳ медиҳад.

Шоми дирӯз бозиҳои ниҳоии Чемпионати Осиё оид ба футбол дар гурӯҳи «А» ба анҷом расиданд. Дар як вақт дастаҳои мунтахаби Амороти Мутаҳидаи Араб бо Таиланд ва Ҳиндустон бо Баҳрайн дар варзишгоҳҳои “Ҳазза бин Зайд Стедиум”-и шаҳри Алайн ва “Шарҷа Стедиум”-и шаҳри Шарҷаи АМА ба ҳам қувва санҷиданд. Дар ин  гурӯҳ  ҳамаи дастаҳо то дақиқаи охирини бозӣ имконияти баробари ба сабқатҳои 1/8-ниҳоӣ роҳхат гирифтанро  доштанд.

Дар вохӯрии байни дастаҳои мунтахаби Баҳрайн ва Ҳиндустон то дақиқаи 90 ҳисоб кушода нашуд. Аммо дар натиҷаи вайрон кардани қоида дар майдони назди дарвоза довари ӯзбекистонӣ  Илгиз Танташев ба дарвозаи дастаи Ҳиндустон зарбаи 11-метра таъйин кард ва онро Ҷамол Рашид ба нишон расонд. Ҳисоби 1:0 дастаи мунтахаби Баҳрайнро аз зинаи 4-ум ба ҷои 3-юм баровард ва ин даста муборизаро барои Ҷоми миллатҳои Осиё идома медиҳад. Дастаи Ҳиндустон, ки аз оғоз дар ҷои аввал ва баъдан дар зинаи дуввум буд, Чемпионатро тарк мекунад.

Бозии байни дастаҳои мунтахаби АМА ва Таиланд бо нишондоди 1:1 ҷамъбаст гардид. Тӯбҳоро Алӣ Аҳмад Мабҳут (7, АМА) ва Ситипан Пуангчан (41, Таиланд) ба дарвоза заданд.

Дар натиҷа аз гурӯҳи «А» се даста –АМА, Таиланд  ва Баҳрайн тавонистанд ба бозиҳои марҳилаи плей-офф роҳхат гиранд.

Имрӯз дар идомаи даври охирини бозиҳо дар гурӯҳи «В» дастаи мунтахаби Австралия бо Сурия ва  Фаластин бо Урдун вориди майдон мешаванд.

Январь 15, 2019 13:32

Хабарҳои дигари ин бахш

Дар Хуҷанд чемпионати ҷумҳуриявӣ оид ба шиноварӣ ҷамъбаст гардид
«PANDA CUP 2026». Дастаи мунтахаби ҷавонони Тоҷикистон (U-20) бо дастаи Чин мусовӣ бозӣ кард
Дастаи мунтахаби Тоҷикистон оид ба футбол ба финали Кing’s Сup 2026» баромад
Аъзои дастаи мунтахаби наврасони Тоҷикистон (U-17) бар ҳамсолонашон аз Фиҷи пирӯз шуданд
«KING’S CUP 2026». Имрӯз дастаи мунтахаби Тоҷикистон дар даври нимниҳоии мусобиқа бо тими яккачини Умон бозӣ мекунад
Дастаи мунтахаби Тоҷикистон оид ба футзал бозии дӯстонаи дуюмро бо Узбекистон мусовӣ анҷом дод
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд
Дастаи мунтахаби футзали Тоҷикистон бозии дӯстонаи якумро бо дастаи Узбекистон анҷом дод