Дар шаҳри Исфара Дидбонгоҳи сарҳадии «Хоҷаи Аъло» ва гузаргоҳи сарҳадии «Сурх» ифтитоҳ гардиданд
ДУШАНБЕ, 02.01.2019. /АМИТ «Ховар»/. Дар арафаи соли нави мелодӣ дар шаҳри Исфара ду иншооти муҳими стратегӣ — Дидбонгоҳи сарҳадии «Хоҷаи Аъло» ва гузаргоҳи сарҳадии «Сурх» ифтитоҳ гардиданд.
Дар маросими ифтитоҳи ин иншоот Раиси вилояти Суғд Раҷаббой Аҳмадзода, сардори раёсати Қӯшунҳои сарҳадии Кумитаи давлатии амнияти миллии Ҷумҳурии Тоҷикистон дар вилояти Суғд, генерал-майор Аслам Назар ва роҳбарияти шаҳри Исфара иштирок намуда, онҳоро мавриди истифодаи сарҳадбонон қарор доданд.
Зикр карда шуд, ки бунёди иншооти мазкур нишони таваҷҷуҳу ғамхориҳои пайвастаи роҳбарияти давлату Ҳукумат нисбат ба ҳомиёни Ватан, аз ҷумла хизматчиёни Қӯшунҳои сарҳадӣ мебошад.
Дидбонгоҳи сарҳадии «Хоҷаи Аъло» дорои хобгоҳ, ошхона ва дигар инфрасохтори зарурии низомию хоҷагидорӣ буда, дар шафати он бинои истиқоматӣ, иборат аз хонаҳои 2-ҳуҷрадор барои 4 оилаи афсарон низ бунёд гардидааст.
Дидбонгоҳро тибқи фармоиши Идораи сохтмони асосии Мақомоти иҷроияи ҳокимияти вилояти Суғд сохтмончиёни ширкати сохтмонии «Исфара» бунёд намудаанд. Арзиши лоиҳавии он 5 миллиону 800 ҳазор сомониро ташкил медиҳад.
Дар ин рӯз ҳамчунин гузаргоҳи сарҳадии «Сурх» ифтитоҳ гардид. Фармоишгари ин иншоот низ Идораи сохтмони асосии Мақомоти иҷроияи ҳокимияти вилояти Суғд буда, арзиши корҳои анҷомдодашуда 1 миллиону 400 ҳазор сомониро ташкил медиҳад.
Имрӯз дар шаҳри Душанбе ҳавои тағйирёбанда пешгӯӣ мешавад
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
