ДАРАХТ БИНШОН! Дар вилояти Суғд соли гузашта 736 гектар боғоти нав ташкил гардиданд
ДУШАНБЕ, 07.01.2019 /АМИТ «Ховар»/. Соли 2018 дар вилояти Суғд бунёди 252 гектар боғу токзори нав ба нақша гирифта шуда буд. Тайи соли гузашта 794 гектар боғу токзори нав бунёд гардиданд, ки аз нақшаи пешбинишуда 3,1 баробар зиёд мебошад. Дар ин бора аз Хадамоти матбуоти Раиси вилояти Суғд ба АМИТ «Ховар» хабар доданд.
Ба иттилои манбаъ, аз ин миқдор боғу токзор 736 гектарро боғоти нав ва 58 гектарро токзори нав ташкил медиҳанд. Имрӯз дар вилояти Суғд ҷиҳати иҷрои «Барномаи рушди соҳаи боғу токпарварӣ дар Ҷумҳурии Тоҷикистон барои солҳои 2016-2020», ки бо қарори Ҳукумати Ҷумҳурии Тоҷикистон қабул гардидааст, тадбирҳои зарурӣ амалӣ карда мешаванд.
Мавриди зикр аст, ки боғу токпарварӣ аз бахшҳои афзалиятноки соҳаи кишоварзӣ маҳсуб ёфта, он дар таъмини амнияти озуқаворӣ ва бо ҷои кори доимӣ таъмин кардани аҳолӣ, инчунин содироти маҳсулот ба хориҷи кишвар нақши муҳим мебозад. Аз ин лиҳоз ҳамасола дар қаламрави вилоят садҳо гектар токзору боғҳои нав бунёд ва боғҳои кӯҳна барқарор мегарданд.
Тибқи маълумоти оморӣ, соли 2018 дар вилоят бо заҳмати шабонарӯзии боғпарварон 135,1 ҳазор тонна мева ва 61,2 ҳазор тонна ангур истеҳсол гардидааст, ки мутаносибан 15,4 ҳазор тонна ва 6,3 ҳазор тонна зиёд мебошад.
Тавсеаи ҳамкорӣ байни Тоҷикистон ва Агентии давлатии ҳамкории байналмилалӣ ва рушди Чин баррасӣ шуд
НИШАСТИ МАТБУОТӢ. Дар 55 деҳа, маҳалла ва шаҳракҳои Тоҷикистон тадқиқоти муҳандисӣ-геологӣ анҷом дода шуд
Телевизиони «Синамо» силсилафилми ҳунарии «Нерӯи ишқ»-ро таҳия намуд
Сарвазири Тоҷикистон дар ноҳияҳои вилояти Хатлон бо рафти корҳои созандагӣ шинос гардид
Дар Душанбе масъалаи таъминоти сӯзишворӣ дар бозори истеъмолӣ ва танзими нархи он баррасӣ шуд
Ваколатдор оид ба ҳуқуқи инсон бо Раиси Кумитаи миллӣ оид ба ҳуқуқи инсони Давлати Қатар вохӯрӣ намуд
Лоиҳаи пеш аз асосноккунии техникӣ-иқтисодии сохтмони метро дар шаҳри Душанбе ҷамъбаст гардид
ОБЁРИИ ҚАТРАГӢ ЧӢ БАРТАРӢ ДОРАД? Шарҳи коршинос дар ин мавзуъ
Дар Тоҷикистон беш аз 14 ҳазор гектар шолӣ кишт карда шудааст
Хатсайри қатораи Душанбе – Москва — Душанбе пас аз 6 сол барқарор гардид
Дар Панҷакент корхонаи мурғпарварӣ ва ҳавзҳои моҳидорӣ ба фаъолият оғоз намуданд
Дар Тоҷикистон «Барномаи давлатии рушди инноватсионии соҳаи пахтакорӣ барои солҳои 2026–2030» қабул гардид
