ДАРАХТ БИНШОН! Хоҷагии ниҳолпарварии ба номи Ғайбулло Масаидови ноҳияи Б. Ғафуров дар мавсими имсола беш аз 20 ҳазор ниҳол ба фурӯш мебарорад
ДУШАНБЕ, 05.01.2019 /АМИТ «Ховар»/. Бахшида ба Иди Сада ва намоиши тухмии зироати кишоварзӣ нимаи дуюми моҳи январи соли равон дар ҷумҳурӣ намоиш-фурӯши ниҳолҳо баргузор мешавад. Вобаста ба баргузории намоиши мазкур ва омодагии хоҷагиҳои ниҳолпарвар ба он хабарнигори АМИТ «Ховар» бо директори Хоҷагии давлатии ниҳолпарварии ба номи Ғайбулло Масаидови ноҳияи Бобоҷон Ғафуров Далер Розиқов ҳамсуҳбат шуд.
Тавре номбурда иброз дошт, ниҳолпарварӣ аз самтҳои сердаромади соҳаи кишоварзӣ маҳсуб меёбад. Ба ҳамагон маълум аст, ки имрӯзҳо дар мамлакат маъракаи ниҳолшинонӣ оғоз гардида, ин раванд дар қаламрави мамлакат бовусъат идома дорад. Зеро шинондани дарахт амри хайр буда, сабаби боз ҳам сарсабзу обод гардидани сарзамини Тоҷикистон мегардад.
«Бо ин мақсад Хоҷагии давлатии нихолпарварии ба номи Ғайбулло Масаидови ноҳияи Бобоҷон Ғафурови вилояти Суғд ҳамасола дар асоси дастуру супоришҳои Ҳукумати ҷумҳурӣ ва Вазорати кишоварзии мамлакат зиёда аз 300 ҳазор бех ниҳолҳои мевадиҳанда ба фурӯш омода менамояд. Дар ин ҷода хоҷагии мо тасмим гирифтааст, ки дар намоиш – фурӯши ниҳолҳо зиёда аз 20 намуди ниҳолҳои мевадиҳанда, аз ҷумла зардолу, шафтолу, олу, гелос, себ, нок, биҳӣ, бодом, чормағз, анор, анҷир ва ғайраро пешкаши харидорон гардонад»,- гуфт Далер Розиқов.
Ба зикри номбурда, ҳамчунин аз тарафи хоҷагӣ зиёда аз 20 ҳазор бех ниҳолҳои ҳамешасабзу ороишӣ, гулу буттаҳо, аз ҷумла арчаи сӯзанбарг, можавелника, туя, кипарис, сафедор ва гули садбарг омода гардидаанд, ки ҳамаи ин барои ҳусни дубора бахшидан ба кӯчаю хиёбон ва шоҳроҳҳои ҷумҳурӣ истифода бурда мешаванд. Ниҳолҳое, ки ҳоло барои фурӯш омода гардидаанд, аз санҷиши давлатӣ гузашта, дорои сертификат мебошанд.
Ҳоло кормандони Хоҷагии давлатии ниҳолпарварии ба номи Ғайбулло Масаидов кӯшиш ба харҷ медиҳанд, ки дар якҷоягӣ бо олимон ва мутахассисони соҳа беҳтарин ниҳолҳои ба стандартҳои ҷаҳонӣ ҷавобгӯйро истеҳсол намоянд. Онҳо ба он мекӯшанд, ки бо ин амали хайрашон дар зиёдшавии боғу токзор ва пешрафти амнияти озуқавории мамлакат саҳми назаррас гузоранд. Имсол хоҷагӣ тасмим гирифтааст, ки дар мавсими шинонидани ниҳол зиёда аз 20 ҳазор бех ниҳолҳои худро ба фурӯш барорад.
Ёдовар мешавем, ки ҳоло дар манотиқи ҷумҳурӣ 14 хоҷагиҳои давлатии ниҳолпарвар фаъолият доранд. Ҳар яки ин хоҷагиҳо тибқи «Барномаи рушди соҳаи боғу токпарварӣ дар Ҷумҳурии Тоҷикистон барои солҳои 2016- 2020» амал менамоянд.
Холисаи АСОМИДДИН,
АМИТ «Ховар»
Дар Душанбе Рӯзҳои фарҳанги шаҳрҳои Истаравшан, Норак ва ноҳияҳои Фархор, Носири Хусрав, Ёвон, Мастчоҳ ва Дӯстӣ доир мегарданд
НИШАСТИ МАТБУОТӢ. Бахшида ба ҷашни 35-солагии Истиқлоли давлатӣ беш аз 31 ҳазор иншоот ба истифода дода шуд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич хатти нави оби полезиро бо дарозии 12 километр мавриди истифода қарор доданд
Пешвои миллат Эмомалӣ Раҳмон дар ноҳияи Деваштич ба таври фосилавӣ 12 иншооти гуногунтаъйинотро ифтитоҳ намуданд
Сарвари давлат Эмомалӣ Раҳмон дар ноҳияи Деваштич бинои нави беморхонаи марказии №6-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳристон бо лоиҳаи сармоягузорӣ барои бунёди комплекси сайёҳии Шаҳристон — эко резорт шинос шуданд
Тавсеаи ҳамкорӣ байни Тоҷикистон ва Агентии давлатии ҳамкории байналмилалӣ ва рушди Чин баррасӣ шуд
Пешвои миллат Эмомалӣ Раҳмон дар ноҳияи Шаҳристон тариқи фосилавӣ 7 иншооти иқтисодию иҷтимоиро мавриди истифода қарор доданд
Сарвари давлат Эмомалӣ Раҳмон ба ноҳияи Шаҳристон ташриф оварданд
НИШАСТИ МАТБУОТӢ. Дар 55 деҳа, маҳалла ва шаҳракҳои Тоҷикистон тадқиқоти муҳандисӣ-геологӣ анҷом дода шуд
Телевизиони «Синамо» силсилафилми ҳунарии «Нерӯи ишқ»-ро таҳия намуд
Сарвазири Тоҷикистон дар ноҳияҳои вилояти Хатлон бо рафти корҳои созандагӣ шинос гардид
