Фарҳод Камолзода: «Дар нуқтаҳои назорати давлатии бехатарии озуқаворӣ 8 озмоишгоҳ насб гардиданд»
ДУШАНБЕ, 31.01.2019. /АМИТ «Ховар»/. Соли сипаригардида дар нуқтаҳои назорати давлатии бехатарии озуқавории гузаргоҳҳои сарҳадӣ 8 адад озмоишгоҳҳо насб гардиданд. Ин нукта имрӯз зимни нишасти матбуотии Кумитаи бехатарии озуқавории назди Ҳукумати Ҷумҳурии Тоҷикистон баён гардид.
Раиси Кумитаи мазкур Фарҳод Камолзода зикр намуд, ки ин иқдом бо мақсади пешгирии воридоти маҳсулоти пастсифат, зараррасонҳои карантинӣ ва барангезандаҳои бемориҳои сироятӣ ба ҳудуди Ҷумҳурии Тоҷикистон роҳандозӣ гардид.
Ба гуфтаи номбурда, соли 2018 бо мақсади пешгирии воридоти маҳсулоти пастсифат дар гузаргоҳи сарҳадии «Панҷи Поён» беш аз 42 тонна моҳии яхшуда ва зиёда аз 131 тонна маҳсулоти гӯшти паранда, ки бидуни иҷозатнома ворид гардидаанд, боздошт ва пас гардонида шуданд.
Бояд зикр намуд, ки Кумитаи бехатарии озуқавории назди Ҳукумати Ҷумҳурии Тоҷикистон ниҳоди навтаъсиси давлатӣ буда, моҳи декабри соли 2017 дар заминаи чор мақомоти давлатӣ –Хадамоти назорати давлатии байторӣ, Хадамоти назорати давлатии фитосанитарӣ ва карантини растанӣ, Хадамоти назорати давлатии зотпарварӣ ва Бозрасии назорати давлатии тухмии Вазорати кишоварзии Ҷумҳурии Тоҷикистон таъсис дода шуд.
Таъсис додани кумитаи махсус оид ба назорат дар ин соҳа дар ҳолест, ки таъмини амнияти озуқаворӣ яке аз ҳадафҳои стратегии Ҳукумати Ҷумҳурии Тоҷикистон маҳсуб меёбад.
«Кумита дар соли сипаригардида фаъолияти худро ба таъмини бехатарии озуқаворӣ, ҳифзи солимии аҳолӣ, ҳимояи манфиатҳои миллӣ ва ҳуқуқи истеъмолкунандагон равона намуд», — гуфт Фарҳод Камолзода.
Тавсеаи ҳамкорӣ байни Тоҷикистон ва Агентии давлатии ҳамкории байналмилалӣ ва рушди Чин баррасӣ шуд
НИШАСТИ МАТБУОТӢ. Дар 55 деҳа, маҳалла ва шаҳракҳои Тоҷикистон тадқиқоти муҳандисӣ-геологӣ анҷом дода шуд
Телевизиони «Синамо» силсилафилми ҳунарии «Нерӯи ишқ»-ро таҳия намуд
Сарвазири Тоҷикистон дар ноҳияҳои вилояти Хатлон бо рафти корҳои созандагӣ шинос гардид
Дар Душанбе масъалаи таъминоти сӯзишворӣ дар бозори истеъмолӣ ва танзими нархи он баррасӣ шуд
Ваколатдор оид ба ҳуқуқи инсон бо Раиси Кумитаи миллӣ оид ба ҳуқуқи инсони Давлати Қатар вохӯрӣ намуд
Лоиҳаи пеш аз асосноккунии техникӣ-иқтисодии сохтмони метро дар шаҳри Душанбе ҷамъбаст гардид
ОБЁРИИ ҚАТРАГӢ ЧӢ БАРТАРӢ ДОРАД? Шарҳи коршинос дар ин мавзуъ
Дар Тоҷикистон беш аз 14 ҳазор гектар шолӣ кишт карда шудааст
Хатсайри қатораи Душанбе – Москва — Душанбе пас аз 6 сол барқарор гардид
Дар Панҷакент корхонаи мурғпарварӣ ва ҳавзҳои моҳидорӣ ба фаъолият оғоз намуданд
Дар Тоҷикистон «Барномаи давлатии рушди инноватсионии соҳаи пахтакорӣ барои солҳои 2026–2030» қабул гардид
