Хонандагони тоҷик дар Олимпиадаи байналмилалии Қазоқистон сазовори 13 медал гардиданд
ДУШАНБЕ, 18.01.2019. /АМИТ «Ховар»/. Хонандагони муассисаҳои таҳсилоти умумии мамлакат дар Олимпиадаи 15-уми байналмилалии Жаутиков «15th International Zhautykov Olympiad 2019», ки дар шаҳри Алмаатои Ҷумҳурии Қазоқистон баргузор гардид, соҳиби 13 ҷойи ифтихорӣ гардиданд.
Тавре аз маркази матбуоти Вазорати маориф ва илми Ҷумҳурии Тоҷикистон ба АМИТ «Ховар» хабар доданд, олимпиадаи мазкур аз 9 то 15 январи соли 2019 оид ба фанҳои физика, математика ва технологияи иттилоотӣ баргузор гардид. Дар он хонандагони тоҷик фаъолона иштирок намуданд.
Тибқи иттилои манбаъ, дар олимпиадаи мазкур аз 20 давлати дунё 532 нафар хонанда иштирок карданд.
Ҷумҳурии Тоҷикистонро дар ин олимпиадаи пурнуфуз 5 даста муаррифӣ намуда, сазовори 13 ҷойи ифтихорӣ (2 медали тилло, 1 медали нуқра ва 10 медали биринҷӣ) гардиданд.
Ёдрас мешавем, ки соли 2018 хонандагони кишвар дар олимпиадаи мазкур сазовори 11 медал (1 медали тилло, 3 медали нуқра ва 7 медали биринҷӣ) гардида буданд.
Имрӯз дар шаҳри Душанбе борони кӯтоҳмуддат меборад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
