«ҶОМИ РУШД-2019»: дастаи мунтахаби наврасони Тоҷикистон имрӯз бо Исландия қувва месанҷад

Январь 28, 2019 08:40

ДУШАНБЕ, 28.01.2018. /АМИТ «Ховар»/. Дастаи мунтахаби наврасони Тоҷикистон оид ба футбол (U-17) дар мусобиқаи байналмилалии «Ҷоми рушд-2019», ки дар Минск ба анҷом мерасад, муборизаро барои зинаи панҷум идома дода, имрӯз бо дастаи мунтахаби наврасони Исландия қувва месанҷад.

Дар бозии рӯзи гузашта футболбозони тоҷик дастаи мунтахаби Булғорияро мағлуб карданд. Вақти асосии бозӣ бо ҳисоби 1:1 ба поён расид. Доварон барои муайян кардани ғолиб ба силсилаи зарбаҳои пеналтии баъдибозӣ рӯ оварданд. Дарвозабони дастаи мунтахаби мамлакат Мӯҳриддин Ҳасанов бо маҳорати олӣ ду зарбаи рақибонро баргардонд ва дастаи Тоҷикистон бо натиҷаи 4:3 пирӯзӣ ба даст овард.

Дар бозии ниҳоӣ дастаҳои мунтахаби Беларус ва Исроил, инчунин барои ишғоли зинаи сеюм Гурҷистон ва Словакия бо ҳам қувва месанҷанд.

Ширкат варзидан дар мусобиқаи байналмилалии «Ҷоми рушд-2019» барои дастаи мунтахаби наврасони Тоҷикистон (U-17) яке аз марҳилаҳои  омодагӣ ба Чемпионати ҷаҳон-2019 ба ҳисоб меравад. Он аз 5 то 27  октябр дар Перу баргузор мегардад.

Мусобиқаи байналмилалӣ «Ҷоми рушд-2019» байни наврасон (U-17) дар Минск

Мусобиқа барои ҷойҳои  5-8-ум

Булғория  – ТОҶИКИСТОН – 1:1. Аз зарбаҳои пеналти – 3:4

Голҳо: Рустам Соиров, 64 (0:1). Крастев, 70 (1:1).

Булғория: Георгиев, Пемперски, Статев (Боянов, 76), Сораков (Папазов, 58), Крастев, Тсончев (Мавродиев, 67), Николов (к), Калинов (Пенелов, 76), Бучков, Бакалов, Христов.

Тоҷикистон: Муҳриддин Ҳасанов, Шаҳром Назаров, Шоҳрух Сангов, Ҷонибек Шарифов, Исроил Холов, Озодбек Пандҷиев (Шуҳрат Элмуродов, 56), Амадонӣ Камолов, Шарифбек Раҳматов, Эмомалӣ Аҳмадхон, Ислом Зоиров, Рустам Соиров.

26 январ. Минск.

 Белгия – Исландия – 2:4

 Бозӣ барои ҷойҳои  9-12-ум

Литва – Молдова – 0:3

Финляндия – Украина – 2:1

 Бозии нимниҳоӣ

Беларус – Гурҷистон – 3:0

Словакия – Исроил – 0:0. Аз зарбаҳои  пеналти – 4:5

28 январ  (душанбе)

Бозӣ барои ҷойҳои  5-6-ум

Исландия – ТОҶИКИСТОН

 Бозӣ барои ҷойҳои  11-12 -ум

Литва – Украина

 Бозӣ барои ҷойҳои  9-10-ум

Молдова – Финляндия

 Бозӣ барои ҷои  7-8-ум

Белгия – Булғория

 Бозӣ барои ҷойҳои  3-4-ум

Гурҷистон – Словакия

Финал

Беларус – Исроил

Январь 28, 2019 08:40

Хабарҳои дигари ин бахш

Дар Хуҷанд чемпионати ҷумҳуриявӣ оид ба шиноварӣ ҷамъбаст гардид
«PANDA CUP 2026». Дастаи мунтахаби ҷавонони Тоҷикистон (U-20) бо дастаи Чин мусовӣ бозӣ кард
Дастаи мунтахаби Тоҷикистон оид ба футбол ба финали Кing’s Сup 2026» баромад
Аъзои дастаи мунтахаби наврасони Тоҷикистон (U-17) бар ҳамсолонашон аз Фиҷи пирӯз шуданд
«KING’S CUP 2026». Имрӯз дастаи мунтахаби Тоҷикистон дар даври нимниҳоии мусобиқа бо тими яккачини Умон бозӣ мекунад
Дастаи мунтахаби Тоҷикистон оид ба футзал бозии дӯстонаи дуюмро бо Узбекистон мусовӣ анҷом дод
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд
Дастаи мунтахаби футзали Тоҷикистон бозии дӯстонаи якумро бо дастаи Узбекистон анҷом дод